Animal Movie : ‘యానిమల్’ సినిమాలో చూపించిన ఫ్యాలెస్ ఎవరిదో తెలుసా?

బాలీవుడ్ స్టార్ హీరో రణబీర్ కపూర్, రష్మిక మందన్న, తృప్తి దిమ్రీ హీరోహీరోయిన్స్ గా సందీప్ రెడ్డి వంగా దర్శకత్వం వహించిన యాక్షన్ మూవీ ‘యానిమల్’.. ఈ నెల 1 న ప్రేక్షకుల ముందుకు వచ్చింది.. ఈ సినిమా నాన్న ఎమోషన్ ని వైల్డ్ యాక్షన్ ఎపిసోడ్ తో చూపించి ఆడియన్స్ ని థ్రిల్ ఫీల్ చేసింది.. మొదటి షో తోనే పాజిటివ్ టాక్ తో దూసుకుపోతుంది.. కలెక్షన్ల సునామితో దూసుకుపోతుంది.. ఇక సోషల్ మీడియా టైం లైన్ అంతా.. యానిమల్ మూవీ ఫీడ్ తో నిండిపోతుంది. ఈక్రమంలోనే యానిమల్ సినిమాలో చూపించిన రణబీర్ కపూర్ ప్యాలస్.. ఒక బాలీవుడ్ స్టార్ హీరోదని టాక్..

ఈ సినిమాకు ఆ ప్యాలెస్ హైలెట్ గా నిలిచింది.. ఆ పెద్ద భవంతి బాలీవుడ్ స్టార్ హీరో సైఫ్ అలీఖాన్‭దట. యానిమల్ లో చూపించిన ప్యాలెస్ సైఫ్ అలీఖాన్ కి చెందిన పటౌడీ ప్యాలెస్. వీరిది రాజ కుటుంబం. ఈ ప్యాలస్ పది ఎకరాల విస్తీర్ణంలో 150 రూమ్స్ కలిగి ఉంటుంది. ఇక దీని విలువ వచ్చి సుమారు 800 కోట్ల వరకు ఉంటుందని చెబుతున్నారు.. ఈ పెద్ద ప్యాలెస్ లో ఎన్నో సినిమాలు కూడా తీశారని సమాచారం.. ఈ విషయం నార్త్ లో చాలా మందికి తెలుసు.. కానీ సౌత్ లో మాత్రం ఈ విషయం ఎవరికి తెలియదు..

ఇదిలా ఉండగా.. యానిమల్ మూవీ కలెక్షన్స్ విషయానికి వస్తే.. మొదటి రోజు ప్రపంచవ్యాప్తంగా 116 కోట్ల గ్రాస్ కలెక్షన్స్ కలెక్ట్ చేసిన ఈ చిత్రం.. రెండురోజు 120 కోట్ల గ్రాస్ ని కొల్లగొట్టి ఓవర్ ఆల్ గా రెండు రోజుల్లో 236 కోట్ల గ్రాస్ తో సంచలనం సృష్టించింది. ఇక మూడో రోజు ఆదివారం దాదాపు 120 కోట్లకు పైగా గ్రాస్ ని అందుకొని మొదటి వీకెండ్ పూర్తి అయ్యేసరికి వరల్డ్ వైడ్ గా 356 కోట్ల గ్రాస్ కలెక్షన్స్ ని వసూలు చేసి బాలీవుడ్ లో కొత్త రికార్డుని సృష్టించింది.. ఇక ఈ సినిమా కలెక్షన్స్ తగ్గట్లేదని తెలుస్తుంది.. ఇంక ఈ వారం పెరిగే అవకాశం ఉందని సమాచారం..