శ్రీకాళహస్తిలో సమంత వరుస పూజలు !

సమంత అక్కినేని తిరుమలను సందర్శించారు. మొదటి రోజు అక్కడ శ్రీవారిని దర్శించుకున్న సామ్ రెండవ రోజు శ్రీకాళహస్తి ఆలయంలో పూజల్లో పాల్గొంది. నిన్న మధ్యాహ్నం నుండి శ్రీకాళహస్తి దేవ స్థానంలో సమంత వరుస పూజలు నిర్వహిస్తోంది. నిన్న మహాన్యాస పూర్వక రుద్రాభిషేకం చేసిన సమంత నర దోషం, గ్రహ దోషం, శత్రు శేషం, దాంపత్య సమస్యలు, ఎదుగుదల, నర దిష్టి రుద్ర హోమం, చండి హోమం కూడా చేస్తోంది. ముఖ్యంగా దాంపత్య సమస్య పరిష్కారం కోసం సమంత ఈ పూజలు చేస్తున్నట్టు సమాచారం.

Read Also : చిక్కుల్లో సూపర్ స్టార్ అభిమానులు

గత కొన్నాళ్ల నుంచి సమంత, నాగ చైతన్య మధ్య విభేదాలు వచ్చాయని, వారిద్దరూ త్వరలో విడాకులు తీసుకోబోతున్నారనే వార్తలు చక్కర్లు కొడుతున్న విషయం తెలిసిందే. అయితే ఆ వార్తలను నేరుగా అక్కినేని ఫ్యామిలీ గానీ, సమంత గానీ కొట్టిపారేయలేదు. కానీ చిన్న విషయాన్నీ మీడియా పెద్దది చేసి చూపిస్తోంది అనేలా సామ్ స్పందించింది. నాగ చైతన్య అయితే అసలు ఈ విషయం అనేదే లేనట్టు వ్యవహరిస్తున్నారు. ఈ నేపథ్యంలో సమంత వరుస పూజలు చేయడం చర్చనీయాంశంగా మారింది.