Viral Video: రామనామం పవర్‌ ఇదేనా? మహిళ ‘శ్రీరామ్’ అనగానే కోతి మైండ్ బ్లోయింగ్ రియాక్షన్.. వీడియో వైరల్!

Viral Video: ప్రముఖ పుణ్యక్షేత్రం బద్రీనాథ్‌లో చోటుచేసుకున్న ఒక అనూహ్య సంఘటన ప్రస్తుతం నెటిజన్లను విపరీతంగా ఆకట్టుకుంటోంది. దైవ నామస్మరణకు మూగజీవాలు కూడా స్పందిస్తాయా అనే రీతిలో జరిగిన ఈ వింత ఘటన ప్రస్తుతం సోషల్ మీడియాలో తెగ వైరల్ అవుతోంది. కేరళకు చెందిన ఒక కుటుంబం బద్రీనాథ్ యాత్రకు వెళ్లి స్థానిక రెస్టారెంట్‌లో ప్రశాంతంగా భోజనం చేస్తోంది. ఆ టైంలో ఎక్కడి నుంచో వచ్చిన ఒక కోతి వారిని అనుసరిస్తూ నేరుగా రెస్టారెంట్ లోపలికి ప్రవేశించింది. అకస్మాత్తుగా తమ ముందుకు వచ్చిన వానరాన్ని చూసి సాధారణంగా ఎవరైనా భయపడి కేకలు వేయడం లేదా దానిని తరిమేసే ప్రయత్నం చేయడం సహజం. కానీ ఆ కుటుంబంలోని మహిళ మాత్రం కాస్త విభిన్నంగా స్పందించింది.

ఆమె కోతిని చూసి ఏమాత్రం బెదరకుండా భక్తిశ్రద్ధలతో చేతులు జోడించి ‘హరే రామ’, ‘శ్రీ రామ్ జై రామ్’ అంటూ దైవ నామస్మరణ చేయడం స్టార్ట్ చేసింది. ఆ తర్వాతి క్షణమే అక్కడ ఒక అద్భుతం ఆవిష్కృతమైంది. రాముడి పేరు వినగానే ఆ కోతి ఎటువంటి ఆగ్రహం లేదా దూకుడు ప్రదర్శించకుండా, అత్యంత శాంతంగా నిల్చుని ఆమె వైపే చూస్తూ విచిత్రమైన రియాక్షన్ ఇచ్చింది. ఏమాత్రం అలజడి సృష్టించకుండా ఆ వానరం చూపిన ప్రవర్తన అక్కడున్న వారిని ఆశ్చర్యంలో ముంచెత్తింది. ఈ అరుదైన దృశ్యాన్ని అక్కడే ఉన్నవారు తమ మొబైల్ కెమెరాల్లో బంధించి సోషల్ మీడియాలో పోస్ట్ చేయడంతో అది క్షణాల్లోనే చక్కర్లు కొట్టడం మొదలుపెట్టింది. “రామనామం ముందు వానర సైన్యం లొంగిపోతుందనడానికి ఇదే నిదర్శనం”, “హనుమంతుడి భక్తి అంటే ఇదేనేమో” అంటూ నెటిజన్లు భక్తిభావంతో కామెంట్లు పెడుతున్నారు. భక్తుల విశ్వాసానికి, ఆ మూగజీవి చూపిన రియాక్షన్‌కి సంబంధించిన ఈ వీడియో ప్రస్తుతం నెట్టింట విపరీతమైన ఆదరణను దక్కించుకుంటోంది.

A family from Kerala was on a visit to Badrinath. They got into a restaurant for some food. A monkey followed them into the restaurant. The woman in the video then started chanting:

"Hare Rama" and "Sree Ram Jai Ram"

Watch the monkey’s reaction 🙂 https://t.co/1df8fjFPCu

— 🇮🇳 DK Sardana 🇮🇳 (@dksardana) October 7, 2026