అంతర్జాతీయ క్రికెట్ కౌన్సిల్ (ఐసీసీ) టెస్ట్ బ్యాటర్ల కొత్త ర్యాంకింగ్ జాబితాను విడుదల చేసింది. న్యూజిలాండ్ ఆటగాడు కేన్ విలియమ్సన్ ఈసారి కూడా అగ్రస్థానాన్ని నిలబెట్టుకోవడంలో సఫలమయ్యాడు.. అతని ఫ్యాన్స్ కు నిరాశే మిగిలింది.. ఇక ఆస్ట్రేలియాకు చెందిన ఎడమచేతి వాటం బ్యాటర్ ట్రావిస్ హెడ్ ఇంగ్లండ్కు చెందిన జో రూట్, ఆస్ట్రేలియాకు చెందిన స్టీవ్ స్మిత్లను వెనక్కి నెట్టి రెండో స్థానానికి చేరుకున్నాడు. అలాగే ఈసారి టాప్ టెన్ లో చోటు దక్కించుకోవడంలో టీమిండియా కెప్టెన్ రోహిత్ శర్మ సక్సెస్ అయ్యాడు. ఇక్కడ గమనించాల్సిన విషయమేమిటంటే… భారత్ నుంచి హిట్మన్ మినహా మరే బ్యాటర్ టాప్-10లో కనిపించలేదు.
ఇటీవల అరంగేట్రంలోనే విండీస్పై సెంచరీ సాధించిన యంగ్ సెన్సేషన్ యశస్వి జైస్వాల్ ఐసీసీ ర్యాంకిగ్స్ లో 73వ ర్యాంక్లోకి దూసుకొచ్చాడు.. రెండో స్థానంలో ఉన్న ప్యాట్ కమిన్స్ కేవలం 828 పాయింట్లతోనే ఉండటం గమనార్హం. డొమినికా టెస్టులో ఫర్వాలేదనిపించిన రవీంద్ర జడేజా కూడా ఈ జాబితాలో చోటు దక్కించుకున్నాడు. మూడు స్థానాలు ఎగబాకిన అతను 779 రేటింగ్ పాయింట్లతో ఏడో స్థానానికి చేరుకున్నాడు. ఇక ఏడాదికిపైగా ఆటకు దూరంగా ఉంటున్న జస్ప్రీత్ బుమ్రా పదో స్థానంలో ఉన్నాడు.
అదే సమయంలో ఆల్రౌండర్ల జాబితాలో జడేజా 449 రేటింగ్ పాయింట్లతో అగ్రస్థానాన్ని కాపాడుకున్నాడు. ఈ ఆల్రౌండర్ల జాబితాలో 362 రేటింగ్ పాయింట్లతో అశ్విన్ రెండో స్థానంలో కొనసాగుతున్నాడు. మరో ఇండియన్ ప్లేయర్ అక్షర్ పటేల్ ఐదో స్థానంలో ఉన్నాడు. ఇక డొమినికా టెస్టులో హాఫ్ సెంచరీతో ఫర్వాలేదనిపించిన విరాట్ కోహ్లీ 14వ స్థానంలోనే కొనసాగుతున్నాడు. కివీస్ కెప్టెన్ కేన్ విలియమ్సన్ అగ్రస్థానంలో కొనసాగుతున్నాడు..అలాగే 11వ స్థానంలో రిషబ్ పంత్ ఉండగా, విరాట్ కోహ్లీ 14వ స్థానంలో ఉన్నాడు. ఛటేశ్వర్ పుజారా 29వ ప్లేస్లో ఉన్నారు.
టాప్ టెన్ లో ఉన్న బ్యాట్స్ మేన్స్ ఎవరంటే?
కేన్ విలియమ్సన్ (న్యూజిలాండ్)- 883 పాయింట్లు..
ట్రావిస్ హెడ్ (ఆస్ట్రేలియా)- 874 పాయింట్లు
బాబర్ ఆజం (పాకిస్థాన్)- 862 పాయింట్లు
స్టీవ్ స్మిత్ (ఆస్ట్రేలియా)- 855 పాయింట్లు
మార్నస్ లబుషేన్ (ఆస్ట్రేలియా)- 849 పాయింట్లు
జో రూట్ (ఇంగ్లండ్)- 842 పాయింట్లు
ఉస్మాన్ ఖ్వాజా (ఆస్ట్రేలియా)- 824 పాయింట్లు
డారిల్ మిచెల్ (న్యూజిలాండ్)- 792 పాయింట్లు
దిముత్ కరుణరత్నే (శ్రీలంక)- 780 పాయింట్లు
రోహిత్ శర్మ (భారత్)- 751 పాయింట్లు..