Malla Reddy: అందరు రాజకీయ నేతల్లో మంత్రి చామకూర మల్లారెడ్డి సమ్థింగ్ స్పెషల్. ఆయన ఏం చేసినా ట్రెండ్ సెట్టరే. ఆయన మాటల్లో ఫుల్ పంచులు.. పవర్ ఫుల్ డైలాగ్స్ ఉంటాయి. స్టెప్ వేస్తే సోషల్ మీడియా దద్దరిల్లాల్సిందే. అలాంటి మల్లారెడ్డి మరోసారి డీజే టిల్లు పాటకు అదిరిపోయే స్టెప్పులేసి ఔరా అనిపించారు. 70 ఏళ్లు వచ్చినా నిత్య యువకుడిలా ఫుల్ జోష్ లో ఉంటారు. తాజాగా హెల్త్ అవేర్ నెస్ కార్యక్రమంలో పాల్గొన్న తెలంగాణ మంత్రి మల్లారెడ్డి స్టేజ్ పై స్టెప్పులు వేశారు. ఆటైనా.. పాటైనా.. డ్యాన్స్ అయినా మంత్రి మల్లారెడ్డి.. సై అనాల్సిందే. డిజే టిల్లు పాటకు చప్పట్లు కొడుతూ స్టెప్పులేస్తూ యువతలో జోష్ నింపారు. మంత్రి మల్లారెడ్డి మైక్ పట్టుకోగానే.. జనాలు హర్షధ్వానాలతో హోరెత్తించారు. డీజే స్టార్ట్ కాగానే అక్కడున్న వారంతా ఊగిపోయారు. మల్లారెడ్డి మాట్లాడే మాటల్లో కష్టపడ్డా.. పాలమ్మినా.. పూలమ్మినా అనే మాటలు ఇప్పటికీ హైలెట్స్ అనే చెప్పాలి. మల్లన్న డ్యాన్స్ కు కుర్రాళ్లు కూడా మరో సారి కుళ్లుకునేలా చేశారు. డీజే పాటకు స్టేజ్ ఎక్కిన మల్లన్న స్టెప్పువేస్తూ షేక్ చేశారు. ఆయన జోష్ అలా ఉంటుంది మరి.
మల్కాజిగిరి జిల్లా మేడ్చల్ మైసమ్మ గూడలోని మల్లారెడ్డి యూనివర్సిటీలో సంక్రాంతి వేడుకల్లో డీజే టిల్లు హీరో జొన్నలగడ్డ సిద్దు, సంగీత దర్శకుడు దేవిశ్రీప్రసాద్ హాజరయ్యారు. డీజే టిల్లు టైటిల్ సాంగ్ కు హీరో సిద్ధూతో కలిసి మంత్రి మల్లారెడ్డి వేదికపైకి స్టెప్పులేశారు. మంత్రి మల్లారెడ్డితో హీరో సిద్ధూ సంతకం స్టెప్పులు కూడా వేయించారు. ఇద్దరూ వేదికపై కాసేపు డ్యాన్స్ చేసి ఉత్సాహాన్ని నింపారు. మంత్రి, హీరో చేసిన ఈ డ్యాన్స్ సోషల్ మీడియాను షేక్ చేస్తోంది. ఏ వేడుక జరిగినా మంత్రి మల్లారెడ్డి హంగామా మామూలుగా ఉండదు. మాస్ పాటలకు స్టెప్పులేసి అందరినీ అలరించారు. మంత్రి మల్లన్న మరోసారి ఇలాగే అడుగులు వేస్తూ ట్రెండ్ అవుతున్నారు. గతంలో మునుగోడులో టీఆర్ఎస్ బహిరంగ సభలో హైదరాబాద్ నుంచి భారీ ర్యాలీగా వెళ్లిన మల్లారెడ్డి.. తెలంగాణ పాటలకు ధీటుగా స్టెప్పులేసి జనాల్లో ఉత్సాహాన్ని నింపిన విషయం తెలిసిందే. మల్లన్న స్టెప్పులేయడం సోషల్ మీడియాలో ట్రెండ్గా మారింది.
Swachhata Hi Sewa: కొనసాగుతున్న స్వచ్ఛతా హి సేవా ప్రచారం..
