Dasara Effect Liquor Sales: తెగ తాగేశారు.. 8 రోజుల్లో రూ.852.38 కోట్ల విలువైన మద్యం..

Dasara Effect Liquor Sales: తెలంగాణలో దసరా అంటే దాదాపు ప్రతి ఇంట్లో మటన్ ముక్క, మద్యం ఉండాల్సిందే. మందు లేకుండా ముద్ద దిగదు. ఈ నేపథ్యంలో దసరా సందర్భంగా తెలంగాణ రాష్ట్రంలో మద్యం విక్రయాలు విపరీతంగా పెరిగాయి. సాధారణ రోజులతో పోలిస్తే గత ఐదు రోజుల్లో విక్రయాలు 25 శాతం పెరిగాయి. గతేడాది దసరాతో పోలిస్తే ఈ ఐదు రోజుల్లో అమ్మ కాలు 15 శాతం పెరిగి సగటున రాష్ట్రంలో రోజుకు రూ.124 కోట్ల మద్యం విక్రయాలు జరుగుతున్నాయి. ఈ నెల 10న రికార్డు స్థాయిలో రూ.139 కోట్ల విలువైన మద్యాన్ని డిపోల నుంచి వైన్‌షాలకు తరలించారు. ఒకే రోజు ఏకంగా 2.35 లక్షల బీర్లు వైన్‌ షాప్‌ లకు చేరడం గమనార్హం.

Read also: Ponnam Prabhakar : స్థానిక సంస్థల ఎన్నికలపై మంత్రి పొన్నం క్లారిటీ

ఏడాది కాలంలోనే ఈ స్థాయిలో బీర్ల అమ్మకాలు జరగడం రికార్డు అని ఎక్సైజ్ వర్గాలు చెబుతున్నా వాస్తవంలో సగటున రోజుకు రూ.100 కోట్ల మద్యం విక్రయాలు జరుగుతున్నాయి. లక్ష కేసుల వరకు మద్యం విక్రయిస్తున్నారు. కానీ, దసరా సందర్భంగా ఈ అమ్మకాల జోరు పెరిగింది. ఐదు రోజుల సగటును పరిశీలిస్తే రోజుకు 1.20 లక్షల కేసుల మద్యం, 2 లక్షల కేసుల బీరు విక్రయాలు జరిగాయి. ఇక.. ఈనెల 1వ తేదీ నుంచి గణాంకాలను పరిశీలిస్తే.. 8 రోజుల్లో రూ.852.38 కోట్ల మద్యం విక్రయాలు జరిగాయి. ఇందులో 8.37 లక్షల మద్యం కేసులు, 14:53 లక్షల కేసుల బీరు ఉన్నాయి. గతేడాది అక్టోబర్ 1 నుంచి 10వ తేదీ వరకు రూ.800 కోట్ల మద్యం అమ్మకాలు జరిగాయి. గత ఏడాదితో పోలిస్తే పది రోజుల్లోనే 6.55 శాతం మంది మందుబాబులు ఫుల్‌ గా లాగించేశారని ఈ గణాంకాలు చెబుతున్నాయి.