Pending Challans: మూడురోజులే గడువు.. పెండింగ్‌ చలాన్లు కట్టని వారు కట్టేయండి బాబు..

Pending Challans: పెండింగ్‌లో ఉన్న చలాన్లపై ప్రకటించిన డిస్కౌంట్ గడువును తెలంగాణ పోలీసులు ఇప్పటికే పొడిగించిన సంగతి తెలిసిందే. ఈ తగ్గింపు ఆఫర్ గతేడాది డిసెంబర్ 27 నుంచి అమలులోకి వచ్చింది. అయితే ఇంకా చాలా చలాన్లు చెల్లించాల్సి ఉండడంతో డిస్కౌంట్ ఆఫర్ ను జనవరి 31 వరకు పొడిగించారు.అయితే.. మరో నాలుగు రోజుల్లో ఈ గడువు ముగియనుండడంతో.. వాహనదారులకు పోలీసులు వార్నింగ్ ఇచ్చారు. మరోసారి ఈ డిస్కౌంట్ ఆఫర్ గడువు పొడిగిస్తారంటూ వస్తున్న వార్తలను నమ్మవద్దని పోలీసులు స్పష్టం చేశారు.

జనవరి 31 వరకు మాత్రమే ఈ అవకాశం ఉంటుందని.. ఆ తర్వాత పూర్తి చెల్లింపులు చేయాల్సి ఉంటుందని పేర్కొంది. దీన్ని దృష్టిలో ఉంచుకుని చలాన్లు పెండింగ్‌లో ఉన్నవారు వెంటనే చెల్లించి డిస్కౌంట్ ఆఫర్‌ను సద్వినియోగం చేసుకోవాలని పోలీసులు సూచిస్తున్నారు. ఇక.. పెండింగ్ లో ఉన్న చలాన్లపై డిస్కౌంట్ ఆఫర్ ద్వారా ప్రభుత్వానికి భారీగా ఆదాయం వచ్చినట్లు తెలుస్తోంది. రాష్ట్రవ్యాప్తంగా 3.59 కోట్ల చలాన్లు పెండింగ్‌లో ఉండగా, ఇప్పటివరకు 1,52,47,864 మంది చలాన్లు చెల్లించారు.

Read also: IND vs ENG: ఉప్పల్ టెస్ట్.. రోహిత్ శర్మ పాదాలు తాకిన అభిమానికి 14 రోజుల రిమాండ్!

అయితే ఇది మొత్తం 42.38 శాతం మాత్రమే కావడం గమనార్హం. కాగా, ఇప్పటివరకు చెల్లించిన చలాన్ల ద్వారా రూ.135 కోట్ల ఆదాయం సమకూరినట్లు పోలీసులు తెలిపారు. హైదరాబాద్ కమిషనరేట్‌లో 34 కోట్లు, సైబరాబాద్‌లో 25 కోట్లు, రాచకొండలో 16 కోట్లు కాగా.. అయితే వాహనదారుల నుంచి పెండింగ్‌లో ఉన్న చలాన్లను వసూలు చేసేందుకు పోలీసులు ఈ తగ్గింపు ఆఫర్‌ను ప్రకటించారు. గతంలో ప్రకటించినప్పుడు.. వాహనదారుల స్పందన చూసి.. ఈసారి మళ్లీ అదే అవకాశం కల్పించారు పోలీసులు. ఇందుకోసం.. గతేడాది డిసెంబర్ 27 నుంచి ఈ ఆఫర్ అందుబాటులోకి వచ్చింది.

డిసెంబర్ 25 వరకు పెండింగ్‌లో ఉన్న చలాన్‌లను 15 రోజుల ముందుగానే రాయితీ ద్వారా చెల్లించేందుకు అవకాశం కల్పించారు. అయితే.. సింబాలిక్ కారణాలు, ఇతరత్రా కారణాల వల్ల.. చాలా వరకు చలాన్లు వసూలు కాలేదు. దీంతో ఈ ఆఫర్ గడువును జనవరి 31 వరకు పొడిగించారు.అయితే చాలా చలాన్లు పెండింగ్‌లో ఉండడంతో మళ్లీ పెంచే అవకాశం ఉందనే ఊహాగానాలు వినిపిస్తున్నాయి. దీంతో పోలీసులు వీటిపై క్లారిటీ ఇచ్చారు. ఇక.. డిస్కౌంట్ ఆఫర్ గడువును పొడిగించే అవకాశం లేదని.. జనవరి 31 చివరి తేదీ.. అని చెప్పారు. ఇంకా పెండింగ్‌లో ఉన్న చలాన్లు చెల్లించని వారు చెల్లించాలని సూచించారు.
TTD Board Meeting: రేపు టీటీడీ పాలకమండలి సమావేశం.. వార్షిక బడ్జెట్‌కు ఆమోదం!