స్మార్ట్ఫోన్ దిగ్గజం వివో (Vivo) కొత్త ప్రీమియం స్మార్ట్ఫోన్ Vivo X300eను అధికారికంగా చైనాలో విడుదల చేసింది. జూలై 27న లాంచ్ అయిన ఈ ఫోన్, Vivo X300 సిరీస్లో ఐదో మోడల్గా మార్కెట్లోకి వచ్చింది. ఇప్పటికే కంపెనీ Vivo X300, Vivo X300 Pro, Vivo X300s, Vivo X300 Ultra మోడళ్లను పరిచయం చేయగా, ఇప్పుడు X300e కూడా శక్తివంతమైన స్పెసిఫికేషన్లతో వినియోగదారులను ఆకట్టుకునేందుకు సిద్ధమైంది. పెద్ద బ్యాటరీ, ZEISS ఆధారిత కెమెరా వ్యవస్థ, Snapdragon 8 Gen 5 ప్రాసెసర్, ప్రీమియం AMOLED డిస్ప్లేతో ఈ ఫోన్ ఫ్లాగ్షిప్ సెగ్మెంట్లో గట్టి పోటీ ఇవ్వనుంది.
Vivo X300e ధర, రంగులు
Vivo X300e రెండు స్టోరేజ్ వేరియంట్లలో అందుబాటులోకి వచ్చింది.
12GB + 256GB – 4,799 యువాన్లు (సుమారు రూ.69,000)
12GB + 512GB – 5,299 యువాన్లు (సుమారు రూ.75,000)
ఈ ఫోన్ Moonlight White, Midnight Black, Sunlight Orange రంగుల్లో లభిస్తుంది. ప్రస్తుతం చైనాలో విక్రయాలు ప్రారంభం కాగా, త్వరలో ఇతర అంతర్జాతీయ మార్కెట్లలో కూడా విడుదలయ్యే అవకాశం ఉంది.
Vivo X300e స్పెసిఫికేషన్లు
Vivo X300eలో 6.59 అంగుళాల AMOLED ఫ్లాట్ డిస్ప్లేను అందించారు. ఇది 2750 × 1260 పిక్సెల్స్ రిజల్యూషన్, 144Hz రిఫ్రెష్ రేట్, 10-బిట్ కలర్ సపోర్ట్ తో వస్తుంది. గేమింగ్ కోసం 2,000Hz ఇన్స్టంట్ టచ్ శాంప్లింగ్ రేట్ కూడా అందుబాటులో ఉంది. అదనంగా, AI Eye Comfort ఫీచర్లు, SGS Low Blue Light సర్టిఫికేషన్, Ultrasonic In-Display Fingerprint Sensor వంటి ప్రీమియం ఫీచర్లు ఇందులో ఉన్నాయి. తడి వేళ్లతో కూడా ఫోన్ను సులభంగా అన్లాక్ చేయవచ్చు.
Snapdragon 8 Gen 5తో శక్తివంతమైన పనితీరు
ఈ స్మార్ట్ఫోన్లో తాజా Qualcomm Snapdragon 8 Gen 5 చిప్సెట్ను అమర్చారు. దీనికి LPDDR5X RAM, UFS 4.1 స్టోరేజ్ జత చేశారు. ఫలితంగా వేగవంతమైన పనితీరు, మల్టీటాస్కింగ్, గేమింగ్ అనుభవం లభిస్తుంది. ఇందులో 7,200mAh భారీ బ్యాటరీను అందించారు. ఇది 90W ఫాస్ట్ ఛార్జింగ్ కు మద్దతు ఇస్తుంది. సాఫ్ట్వేర్ పరంగా Android 16 ఆధారిత OriginOS 6పై ఈ ఫోన్ పనిచేస్తుంది.
50MP ట్రిపుల్ కెమెరా సెటప్
ఫోటోగ్రఫీ ప్రియుల కోసం Vivo X300eలో ZEISS సహకారంతో రూపొందించిన కెమెరా వ్యవస్థను అందించారు. ముందు భాగంలో 50MP Samsung JN1 సెల్ఫీ కెమెరా (ఆటోఫోకస్తో), వెనుక భాగంలో 50MP Sony IMX921 ప్రైమరీ కెమెరా (OIS), 8MP అల్ట్రా వైడ్ కెమెరా, 50MP Sony IMX882 పెరిస్కోప్ టెలిఫోటో కెమెరా (OIS, 3x ఆప్టికల్ జూమ్). ఈ కెమెరాలు 4K వీడియో రికార్డింగ్ కు మద్దతు ఇస్తాయి. సెల్ఫీ కెమెరాతో పాటు ప్రధాన, టెలిఫోటో కెమెరాల ద్వారా కూడా 4K వీడియోలను చిత్రీకరించవచ్చు.
ఇతర ముఖ్యమైన ఫీచర్లు
Vivo X300eలో పలు ఆధునిక కనెక్టివిటీ, భద్రతా ఫీచర్లు ఉన్నాయి. స్టీరియో స్పీకర్లు,X-యాక్సిస్ లీనియర్ మోటార్, VC కూలింగ్ సిస్టమ్, NFC, IR బ్లాస్టర్, డ్యూయల్ సిమ్ 5G
Wi-Fi 7, బ్లూటూత్ 5.4, USB టైప్-C, IP68 & IP69 డస్ట్, వాటర్ రెసిస్టెన్స్.