Vivo Over Ear Headphones: వివో తొలి వైర్లెస్ ఓవర్-ఇయర్ హెడ్ఫోన్స్ విడుదల.. 75 గంటల బ్యాటరీ, 58dB ANC ఫీచర్
- వివో తొలి వైర్లెస్ ఓవర్-ఇయర్ హెడ్ఫోన్స్ విడుదల
- 75 గంటల బ్యాటరీ
- USB Type-C పోర్ట్ ద్వారా ఛార్జింగ్ చేయవచ్చు
- Follow Us :
-
-
Add as a preferred
source on google
స్మార్ట్ఫోన్ దిగ్గజం వివో తన తొలి వైర్లెస్ ఓవర్-ఇయర్ హెడ్ఫోన్స్ను చైనా మార్కెట్లో విడుదల చేసింది. Vivo Over-Ear Noise-Cancelling Headphones పేరుతో వచ్చిన ఈ కొత్త ఆడియో పరికరం ఆకర్షణీయమైన డిజైన్తో పాటు శక్తివంతమైన యాక్టివ్ నాయిస్ క్యాన్సిలేషన్ (ANC), దీర్ఘకాలిక బ్యాటరీ బ్యాకప్ వంటి ఫీచర్లతో వినియోగదారులను ఆకట్టుకుంటోంది.
కంపెనీ ప్రకారం, ఈ హెడ్ఫోన్స్ ఒకే ఛార్జ్పై గరిష్టంగా 75 గంటల ప్లేబ్యాక్ టైమ్ అందిస్తాయి. అంతేకాకుండా, 58dB వరకు నాయిస్ క్యాన్సిలేషన్ సామర్థ్యాన్ని కలిగి ఉండటం వీటి ప్రధాన ప్రత్యేకత. వివో ఓవర్-ఇయర్ నాయిస్-క్యాన్సిలింగ్ హెడ్ఫోన్స్ ధర చైనాలో CNY 499 (సుమారు రూ.6,000)గా నిర్ణయించారు. ఇవి Breeze Purple, Clouds & Mist అనే రెండు కలర్స్ లో అందుబాటులో ఉన్నాయి.
స్పెసిఫికేషన్లు
ఈ హెడ్ఫోన్స్లో 20Hz నుంచి 40kHz వరకు ఫ్రీక్వెన్సీ రెస్పాన్స్ను అందించే 40mm డైనమిక్ డ్రైవర్లు ఉన్నాయి. ఇవి AAC, SBC, LDAC ఆడియో కోడెక్లకు మద్దతు ఇస్తాయి. అలాగే DeepX 3.0 స్టీరియో సౌండ్ టెక్నాలజీ ద్వారా మెరుగైన ఆడియో అనుభవాన్ని అందిస్తాయి. వినియోగదారులు తమ అభిరుచికి అనుగుణంగా సౌండ్ ప్రొఫైల్ను మార్చుకునేందుకు 10-బ్యాండ్ EQ కస్టమైజేషన్ ఫీచర్ను కూడా అందించారు.
శక్తివంతమైన ANC ఫీచర్
ఈ హెడ్ఫోన్స్లోని యాక్టివ్ నాయిస్ క్యాన్సిలేషన్ (ANC) టెక్నాలజీ గరిష్టంగా 58dB వరకు శబ్దాన్ని తగ్గించగలదని కంపెనీ పేర్కొంది. సగటున 31dB నాయిస్ రిడక్షన్ను అందించడంతో పాటు, పరిసర పరిస్థితులను బట్టి Light, Normal, Deep నాయిస్ క్యాన్సిలేషన్ మోడ్ల మధ్య ఆటోమేటిక్గా మారగలదు. హెడ్ఫోన్స్లో మూడు ECM మైక్రోఫోన్లు, రెండు MEMS మైక్రోఫోన్లతో కూడిన మల్టీ-మైక్ సెటప్ను అందించారు.
కనెక్టివిటీ, గేమింగ్
ఈ పరికరం Bluetooth 5.4 కనెక్టివిటీతో వస్తుంది. ఒకేసారి స్మార్ట్ఫోన్, టాబ్లెట్, కంప్యూటర్ వంటి మూడు పరికరాలకు కనెక్ట్ చేయవచ్చు. గేమింగ్ ప్రియుల కోసం 47ms లో-లేటెన్సీ మోడ్ అందుబాటులో ఉంది. దీంతో గేమ్ ఆడియో మరింత వేగంగా వినిపిస్తుంది.
బ్యాటరీ, ఛార్జింగ్
ఈ హెడ్ఫోన్స్లోని బ్యాటరీ ఒకే ఛార్జ్పై గరిష్టంగా 75 గంటల ప్లేబ్యాక్ అందిస్తుందని వివో తెలిపింది. USB Type-C పోర్ట్ ద్వారా ఛార్జింగ్ చేయవచ్చు. బ్యాటరీని 0 నుంచి 100 శాతం వరకు పూర్తిగా ఛార్జ్ చేయడానికి సుమారు 2.5 గంటలు పడుతుంది.