Redmi 17C 5G: రెడ్ మీ 17C 5G విడుదల.. 6000mAh బ్యాటరీ, 120Hz డిస్‌ప్లే, 50MP కెమెరా

Redmi 17C 5G Launched: ప్రముఖ స్మార్ట్‌ఫోన్ బ్రాండ్ Redmi కొత్త బడ్జెట్ 5G స్మార్ట్‌ఫోన్ Redmi 17C 5Gను విడుదల చేసింది. 120Hz రిఫ్రెష్ రేట్ డిస్‌ప్లే, MediaTek Dimensity 6300 ప్రాసెసర్, 6000mAh భారీ బ్యాటరీ, 50MP కెమెరా, IP64 రేటింగ్ వంటి ఫీచర్లతో ఈ ఫోన్‌ను తీసుకొచ్చింది. ప్రస్తుతం ఈ ఫోన్ సింగపూర్ మార్కెట్లో విడుదలైంది. ఇతర మార్కెట్లలో, ముఖ్యంగా భారత్‌లో Redmi 17C 5G లాంచ్‌పై కంపెనీ ఇంకా అధికారిక ప్రకటన చేయలేదు.

Redmi 17C 5G ధర

సింగపూర్‌లో Redmi 17C 5G ధర SGD 279, అంటే భారత కరెన్సీలో సుమారు రూ.19,000గా ఉంటుంది. ఈ ఫోన్ మూడు కలర్ ఆప్షన్లలో లభిస్తుంది.. Purple, Black, Brown – Vegan Leather Finish. భారత్‌తో పాటు ఇతర మార్కెట్లలో ఈ ఫోన్ ఎప్పుడు విడుదలవుతుందనే విషయాన్ని Redmi ఇంకా వెల్లడించలేదు.

6.9 అంగుళాల 120Hz డిస్‌ప్లే

Redmi 17C 5Gలో 6.9 అంగుళాల LCD డిస్‌ప్లే ఉంది. ఇది 1600×720 పిక్సెల్స్ రిజల్యూషన్‌తో వస్తుంది. స్మూత్ స్క్రోలింగ్, గేమింగ్ కోసం స్క్రీన్ 120Hz వరకు రిఫ్రెష్ రేట్ కు సపోర్ట్ చేస్తుంది. బ్రైట్‌నెస్ విషయానికి వస్తే సాధారణంగా 660 నిట్స్, HBM మోడ్‌లో గరిష్ఠంగా 810 నిట్స్ వరకు బ్రైట్‌నెస్ అందిస్తుంది. కళ్లపై ఒత్తిడిని తగ్గించేందుకు DC Dimming, అలాగే TÜV Rheinland సర్టిఫికేషన్ ను కూడా అందించారు.

MediaTek Dimensity 6300 ప్రాసెసర్

పనితీరు కోసం Redmi 17C 5Gలో MediaTek Dimensity 6300 చిప్‌సెట్‌ను ఉపయోగించారు. ఈ ఫోన్ 4GB RAMతో వస్తుంది. స్టోరేజ్ విషయానికి వస్తే 64GB, 128GB ఆప్షన్లు ఉన్నాయి. అదనంగా microSD కార్డు ద్వారా స్టోరేజ్‌ను 1TB వరకు విస్తరించుకునే అవకాశం ఉంది. దీంతో ఫొటోలు, వీడియోలు, యాప్స్, ఇతర ఫైళ్లను ఎక్కువగా స్టోర్ చేసుకునే అవకాశం ఉంటుంది.

50MP కెమెరా

కెమెరా విషయానికి వస్తే Redmi 17C 5Gలో డ్యూయల్ రియర్ కెమెరా సెటప్ ఉంది. ఇందులో 50MP ప్రైమరీ కెమెరా – f/1.8 అపర్చర్ Auxiliary Lens అందించారు. కెమెరాలో HDR, Night Mode, Portrait Mode వంటి ఫీచర్లు ఉన్నాయి. వీడియో రికార్డింగ్ కోసం 30fps వద్ద 1080p వీడియోను రికార్డ్ చేయవచ్చు. సెల్ఫీలు, వీడియో కాల్స్ కోసం 8MP ఫ్రంట్ కెమెరాను అందించారు.

6000mAh బ్యాటరీ

Redmi 17C 5Gలో 6000mAh భారీ బ్యాటరీ ఉంది. ఇది 33W ఫాస్ట్ ఛార్జింగ్ కు సపోర్ట్ చేస్తుంది. అయితే కంపెనీ రిటైల్ బాక్స్‌లో 15W ఛార్జర్ ను మాత్రమే అందిస్తోంది. పూర్తి 33W ఛార్జింగ్ సామర్థ్యాన్ని ఉపయోగించుకోవాలంటే అనుకూలమైన ఛార్జర్ అవసరం కావచ్చు.

5G, NFCతో పాటు మరిన్ని కనెక్టివిటీ ఫీచర్లు

కనెక్టివిటీ పరంగా Redmi 17C 5Gలో పలు ఫీచర్లు ఉన్నాయి. వీటిలో Dual SIM, 5G, Wi-Fi, Bluetooth 5.4, NFC, 3.5mm Headphone Jack, FM Radio వంటివి ఉన్నాయి. భద్రత కోసం సైడ్-మౌంటెడ్ ఫింగర్‌ప్రింట్ స్కానర్ ను అందించారు.

IP64 రేటింగ్

Redmi 17C 5Gకు IP64 రేటింగ్ ఉంది. దీంతో దుమ్ము, నీటి తుంపరల నుంచి ఫోన్‌కు కొంత రక్షణ లభిస్తుంది. ఫోన్ కొలతలు 171.56 × 79.47 × 8.05mm, బరువు 211 గ్రాములుగా ఉంది.