POVA 8 Pro: ప్రముఖ స్మార్ట్ఫోన్ బ్రాండ్ పోవా (POVA) నుండి కొత్త ప్రీమియం స్మార్ట్ఫోన్ పోవా 8 ప్రో (POVA 8 Pro)ను భారత మార్కెట్లో విడుదల చేసేందుకు సిద్ధమైంది. ఇప్పటికే జూన్లో POVA 8ను లాంచ్ చేసిన సంస్థ.. ఇప్పుడు మరింత ప్రత్యేకమైన డిజైన్తో పోవా 8 ప్రో ను తీసుకురానుంది. ఈ స్మార్ట్ఫోన్ను ఆగస్టు 18న భారత్లో అధికారికంగా లాంచ్ కానుంది.
POVA 8 Proలో ప్రధాన ఆకర్షణగా చెప్పుకోవాల్సింది ‘ఆలివ్ మాట్రిక్స్ డిస్ప్లే’ (Alive Matrix Display)ను అందిస్తున్నారు. సాధారణంగా స్మార్ట్ఫోన్ల వెనుక భాగం కెమెరా మాడ్యూల్, డిజైన్కు మాత్రమే పరిమితమవుతుంది. అయితే 8 ప్రో లో వెనుక ప్యానెల్ను కూడా యాక్టివ్ విజువల్ ఎలిమెంట్గా ఉపయోగించేలా ఈ కొత్త డిస్ప్లే వ్యవస్థను రూపొందించారు. దీని ద్వారా వెనుక భాగంలో వివిధ రకాల ప్యాటర్న్ లేదా నోటిఫికేషన్ లను ప్రదర్శించే అవకాశం ఉంటుంది.
ఈ కొత్త డిజైన్ పోవా రూపొందించిన “రూమ్ నోటీసిస్” కాన్సెప్ట్కు అనుగుణంగా ఉంటుంది. స్మార్ట్ఫోన్ను దూరం నుంచే ప్రత్యేకంగా గుర్తించేలా, సాధారణ ఫోన్లకు భిన్నమైన విజువల్ డిజైన్ను అందించడం ఈ కాన్సెప్ట్లో ప్రధాన ఉద్దేశంగా కనిపిస్తోంది. ముఖ్యంగా ఫోన్ను టేబుల్పై స్క్రీన్ కిందివైపు ఉంచినప్పటికీ.. వెనుక భాగంలోని విజువల్ ఎలిమెంట్ ద్వారా యూజర్ దృష్టిని ఆకర్షించేలా ఉంటుంది. వెనుక ప్యానెల్కు కేవలం డిజైన్ పరంగానే కాకుండా ఫంక్షనల్ ఉపయోగాన్ని కూడా కల్పించారు. నోటిఫికేషన్లు లేదా ఇతర విజువల్ ఎఫెక్ట్లను వెనుక భాగంలో చూపించడం ద్వారా సాధారణ స్మార్ట్ఫోన్ డిజైన్కు భిన్నమైన అనుభూతిని అందించనుంది.
అయితే ప్రస్తుతం POVA 8 Proకు సంబంధించిన కెమెరా వివరాలు, ప్రాసెసర్, డిస్ప్లే స్పెసిఫికేషన్స్, బ్యాటరీ సామర్థ్యం, ధర వంటి పూర్తి వివరాలను కంపెనీ వెల్లడించలేదు. ఆగస్టు 18న జరిగే అధికారిక లాంచ్ ఈవెంట్లో వీటికి సంబంధించిన పూర్తి సమాచారం తెలియనుంది. మొబైల్ ధర మాత్రం ఇంకా అధికారికంగా వెల్లడించలేదు.
Built for accidental drops, unexpected splashes, and everyday chaos. 🛡️😎
TECNO POVA 8 Pro 5G is ready for whatever comes next.
Dropped it? Splashed it? Keep going.#POVA8Pro5G #LightUpYourPower #TECNOAI pic.twitter.com/aOfElyNzgo— tecnomobile (@tecnomobile) August 13, 2026