Motorola Edge 40 Neo: మోటోరోలా నుంచి మరో కొత్త స్మార్ట్ ఫోన్..ఫీచర్స్ ఇవే..!

తక్కువ ధరలో నాణ్యమైన ఫోన్లను అందిస్తున్న కంపెనీ మోటోరోలాకు మార్కెట్ లో మంచి డిమాండ్ ఉంది.. అనువైన బడ్జెట్లో ఉత్తమమైన ఫోన్లను అందిస్తోంది. ఇటీవల కాలంలో ఈ కంపెనీ నుంచి స్మార్ట్ ఫోన్లు పెద్ద సంఖ్యలోనే విడుదలవుతున్నాయి..వాటికి భారీ సేల్ ఉంది.. ఇక ఈ క్రమంలో మరో కొత్త ఫోన్ లాంచింగ్ కు రెడీ అయ్యింది. మోటోరోలా ఎడ్జ్ 40 నీయో ఫోన్ ను ఇండియాలో లాంచ్ చేసేందుకు ముహూర్తం ఫిక్స్ చేశారు. నిజానికి ఈ మోడల్ ను ఏప్రిల్ లోనే పరిచయం చేశారు. మోటోరోల్ ఎడ్జ్ 40, మోటోరోలా ఎడ్జ్ 40 ప్రో మోడళ్లను ఇంతకు ముందే మార్కెట్లోకి ప్రవేశపెట్టింది. అయితే వాటితో పాటు ప్రకటించిన ఈ మోటోరోలా ఎడ్జ్ 40 నియోను మాత్రం మన దేశంలో విడుదల చేయలేదు.. ఈ ఫోన్ ను ఈ నెల 21 న మార్కెట్ లోకి తీసుకొచ్చేందుకు కంపెనీ సిద్ధం చేసింది..మోటోరోలా ఎడ్జ్ 40 నియో ఫోన్ పూర్తి స్పెసిఫికేషన్లు, ఫీచర్లు, ధర వంటి వివరాలు ఓ లుక్ వేద్దాం..

ఫీచర్స్..

మై స్మార్ట్ ప్రైస్ నివేదిక ప్రకారం, మోటోరోలా ఎడ్జ్ 40 నియో ఫోన్ లో 6.55-అంగుళాల ఫుల్ హెచ్డీ ప్లస్ (2400 × 1080 పిక్సెల్‌లు) పీఓఎల్ఈడీ డిస్‌ప్లేను కలిగి ఉంటుంది,144హెర్జ్ రిఫ్రెష్ రేట్‌తో వస్తుందని భావిస్తున్నారు. ఇది మాలి జీ77 జీపీయూ, 12జీబీ ర్యామ్ 256జీబీ ఇంటర్నల్ స్టోరేజ్‌తో వస్తుంది. మీడియా టెక్ డైమెన్సిటీ 1050 ఎస్ఓసీ ద్వారా శక్తి పొందుతుంది. ఆండ్రాయిడ్ 13-ఆధారిత మైయూఎక్స్ ఓఎస్ తో పనిచేస్తుంది..

కెమెరా విషయానికొస్తే.. సెల్ఫీ ప్రియులకు అదిరిపోయే గుడ్ న్యూస్ అనే చెప్పాలి..50-మెగాపిక్సెల్ ప్రైమరీ రియర్ సెన్సార్, 13-మెగాపిక్సెల్ అల్ట్రా-వైడ్ లెన్స్‌ను కలిగి ఉంటుందని భావిస్తున్నారు. ముందు కెమెరా 32-మెగాపిక్సెల్ సెన్సార్‌తో అమర్చబడి ఉంటుందని అంచనా వేస్తున్నారు. ఈ ఫోన్ 68వాట్ల వైర్డ్ ఫాస్ట్ ఛార్జింగ్ సపోర్ట్‌తో 5,000ఎంఏహెచ్ బ్యాటరీతో వస్తుంది. భద్రత కోసం, హ్యాండ్‌సెట్ ఇన్-డిస్‌ప్లే ఫింగర్‌ప్రింట్ సెన్సార్‌తో వస్తుంది. ఫోన్ డస్ట్, స్ప్లాష్ రెసిస్టెన్స్ కోసం ఐపీ68 రేటింగ్‌తో వస్తుందని కూడా చెబుతున్నారు.. ఇక బ్లూటూత్, వైఫై తో పాటు మరిన్ని ఫీచర్స్ ను కలిగి ఉంది.. ధర ఇంక తెలియరాలేదు..