స్టైల్ + టెక్.. Motorola ‘Brilliant Collection’లో సిగ్నేచర్ స్మార్ట్ ఫోన్, మోటో బడ్స్ 2.!

Motorola Brilliant Collection Launch: మోటరోలా (Motorola) సంస్థ నుండి “బ్రిలియంట్ కలెక్షన్”లో భాగంగా కొత్త డివైస్‌ లను తీసుకవచ్చింది. ఇందులో అప్డేటెడ్ మోటరోలా సిగ్నేచర్ స్మార్ట్‌ఫోన్ (Motorola signature smartphone), మోటో బడ్స్ 2 ప్లస్ (Moto buds 2 plus) ఉన్నాయి. ఈ కలెక్షన్ ప్రత్యేకత ఏమిటంటే.. టెక్నాలజీతో పాటు ఫ్యాషన్, లైఫ్‌స్టైల్ ఎలిమెంట్స్‌ను కలిపి రూపొందించడం. ఈ కొత్త డివైస్‌ల అభివృద్ధిలో మోటరోలా పలు ప్రముఖ బ్రాండ్లతో భాగస్వామ్యం కుదుర్చుకుంది. ముఖ్యంగా స్వరోవ్‌స్కీ, బోస్, పాంటోన్ సంస్థలతో కలిసి పనిచేసింది. ఈ భాగస్వామ్యాల వల్ల డివైస్‌లకు ప్రత్యేకమైన డిజైన్, మెరుగైన పనితీరు లభించాయి.

డిజైన్, ఫీచర్లు:
ఈ కలెక్షన్‌ లోని డివైస్లు రాత్రి ఆకాశం, నక్షత్రాల నుంచి ప్రేరణ పొందిన డిజైన్‌తో రూపొందించబడ్డాయి. ప్రత్యేకంగా పాంటోన్ వైలెట్ ఇండిగో (PANTONE Violet Indigo) కలర్‌తో సిల్క్ ఫినిష్ లుక్‌ ను అందించారు. మోటరోలా సిగ్నేచర్ స్మార్ట్‌ఫోన్‌లో 3D క్విల్టెడ్ ప్యాటర్న్‌ తో పాటు 20 అమెథిస్ట్ స్వరోవ్‌స్కీ క్రిస్టల్స్‌ ను చేతితో అమర్చారు. ఇది ఫోన్‌కు ప్రీమియం లుక్‌ను ఇస్తుంది. ఇక మోటో బడ్స్ 2 ప్లస్ కూడా అదే వైలెట్ ఇండిగో (Violet Indigo) థీమ్‌లో అందుబాటులో ఉన్నాయి. ప్రతి ఇయర్‌బడ్‌లో 12 స్వరోవ్‌స్కీ క్రిస్టల్స్ ఉండగా, చార్జింగ్ కేస్‌పై అదనంగా 41 క్రిస్టల్స్ అమర్చబడ్డాయి. ఈ డిజైన్ వల్ల ఇవి జ్యువెలరీలా కనిపించేలా రూపొందించబడ్డాయి. ఆడియో క్వాలిటీ కోసం ‘బోస్’ టెక్నాలజీని ఇన్‌టిగ్రేట్ చేశారు. దీని వల్ల వినికిడి అనుభవం మరింత మెరుగుపడుతుంది.

ధర:
ఈ “బ్రిలియంట్ కలెక్షన్”లోని మోటరోలా సిగ్నేచర్, మోటో బడ్స్ 2 ప్లస్ త్వరలో మార్కెట్‌లోకి రానున్నాయి. యూకేలో ఈ బండిల్ ధర సుమారు 1,199 పౌండ్స్ (భారత కరెన్సీలో సుమారు రూ.1.53 లక్షలు)గా నిర్ణయించారు. యూరప్, మధ్యప్రాచ్యం, ఆఫ్రికా, లాటిన్ అమెరికా, ఆసియా-పసిఫిక్ ప్రాంతాల్లో ఈ డివైస్‌లు దశలవారీగా విడుదల కానున్నాయి. ప్రతి దేశంలో ధరలు, అందుబాటు తేదీలు భిన్నంగా ఉంటాయి.