Lenovo Legion 27-1R: 27- ఇంచెస్ డిస్‌ప్లే, 280Hz రిఫ్రెష్ రేట్‌తో.. లెనోవో బడ్జెట్ గేమింగ్ మానిటర్‌ విడుదల.. ధర ఎంతంటే?

ప్రముఖ టెక్ బ్రాండ్ లెనోవో గేమింగ్ ప్రియులను ఆకట్టుకునేలా కొత్త Lenovo Legion 27-1R బడ్జెట్ గేమింగ్ మానిటర్‌ను విడుదల చేసింది. 27-అంగుళాల IPS డిస్‌ప్లే, 280Hz రిఫ్రెష్ రేట్, 0.5ms రెస్పాన్స్ టైమ్, NVIDIA G-SYNC, VESA AdaptiveSync వంటి ప్రీమియం ఫీచర్లతో ఈ మానిటర్‌ను సరసమైన ధరలో అందుబాటులోకి తీసుకొచ్చింది. ప్రస్తుతం ఈ మానిటర్ చైనా మార్కెట్లో విడుదల కాగా, త్వరలో ఇతర మార్కెట్లలో కూడా అందుబాటులోకి వచ్చే అవకాశం ఉంది.

Lenovo Legion 27-1R ధర

లెనోవో లెజియన్ 27-1R గేమింగ్ మానిటర్‌ను చైనాలో 789 యువాన్ల ధరకు విడుదల చేశారు. భారత కరెన్సీలో దీని ధర సుమారు రూ.11,000గా ఉంటుంది. ఈ మానిటర్‌ను కంపెనీ అధికారిక వెబ్‌సైట్‌తో పాటు JD.com ద్వారా కొనుగోలు చేయవచ్చు.

27-అంగుళాల IPS డిస్‌ప్లే

ఈ గేమింగ్ మానిటర్‌లో 27-అంగుళాల IPS ప్యానెల్ ను అందించారు. ఇది 1920×1080 పిక్సెల్స్ (Full HD) రిజల్యూషన్‌ను సపోర్ట్ చేస్తుంది. 280Hz రిఫ్రెష్ రేట్‌తో వేగవంతమైన గేమ్‌ప్లేను అందించడంతో పాటు 0.5ms MPRT రెస్పాన్స్ టైమ్ ఉండటంతో మోషన్ బ్లర్ గణనీయంగా తగ్గుతుంది.

గేమింగ్ కోసం ప్రత్యేక ఫీచర్లు

Lenovo Legion 27-1Rలో VESA AdaptiveSync, NVIDIA G-SYNC టెక్నాలజీలకు మద్దతు ఉంది. దీంతో స్క్రీన్ టియరింగ్, స్టట్టరింగ్ సమస్యలు తగ్గి, గేమింగ్ అనుభవం మరింత స్మూత్‌గా ఉంటుంది. ముఖ్యంగా FPS, రేసింగ్, ఈ-స్పోర్ట్స్ గేమ్స్ ఆడే వారికి ఇది మంచి ఎంపికగా నిలుస్తుంది.

అద్భుతమైన కలర్ క్వాలిటీ

ఈ మానిటర్‌లోని IPS ప్యానెల్ 99% sRGB కలర్ గామట్ కవరేజ్‌ను అందిస్తుంది. 400 నిట్స్ పీక్ బ్రైట్‌నెస్, 8-బిట్ కలర్ డెప్త్, 16.7 మిలియన్ కలర్స్ సపోర్ట్ ఉండటంతో గేమింగ్‌తో పాటు ఫోటో, వీడియో ఎడిటింగ్‌కు కూడా అనుకూలంగా ఉంటుంది.

కంటి రక్షణకు ఐసేఫ్ 2.0 సర్టిఫికేషన్

ఎక్కువ సమయం స్క్రీన్ ముందు గడిపే వినియోగదారులను దృష్టిలో ఉంచుకుని, Lenovo ఈ మానిటర్‌కు Low Blue Light Eyesafe 2.0 సర్టిఫికేషన్‌ను అందించింది. దీని వల్ల కంటి అలసటను తగ్గించడంలో సహాయపడుతుంది.

కనెక్టివిటీ ఆప్షన్లు

కనెక్టివిటీ కోసం ఈ మానిటర్‌లో:

1 × DisplayPort 1.4
2 × HDMI 2.1 TMDS పోర్ట్‌లు అందుబాటులో ఉన్నాయి.

కంపెనీ తెలిపిన వివరాల ప్రకారం, 280Hz రిఫ్రెష్ రేట్‌ను పూర్తిగా ఉపయోగించాలంటే DisplayPort 1.4 ద్వారానే కనెక్ట్ చేయాలి. HDMI ద్వారా కనెక్ట్ చేస్తే గరిష్టంగా 240Hz రిఫ్రెష్ రేట్ మాత్రమే లభిస్తుంది.

అడ్జస్టబుల్ స్టాండ్, VESA మౌంట్

Lenovo Legion 27-1Rలో అడ్జస్టబుల్ స్టాండ్‌ను అందించారు. అలాగే 100×100mm VESA మౌంట్ సపోర్ట్ ఉండటంతో మానిటర్‌ను గోడకు సులభంగా అమర్చుకోవచ్చు.