Lava SHARK 2 5G Launched: దేశీయ స్మార్ట్ఫోన్ బ్రాండ్ లావా ఇంటర్నేషనల్ కొత్త బడ్జెట్ 5G స్మార్ట్ఫోన్ SHARK 2 5G ను భారత మార్కెట్లో లాంచ్ చేసింది. ఇందులో 6.75 అంగుళాల HD+ LCD డిస్ప్లే స్క్రీన్ 120Hz రిఫ్రెష్ రేట్కు సపోర్ట్ చేస్తుంది. దీంతో స్క్రోలింగ్, గేమింగ్, యానిమేషన్లు మరింత స్మూత్గా కనిపిస్తాయి. అలాగే మొబైల్ కు ఫోన్కు IP64 రేటింగ్ ఇవ్వబడింది. దీని వల్ల ధూళి, నీటి చిమ్ముర్ల నుండి రక్షణ లభిస్తుంది. ఈ మొబైల్ సోనార్ గోల్డ్, ఆర్య బ్లూ అనే రెండు కలర్ ఆప్షన్లలో అందుబాటులోకి రానుంది.
ఈ స్మార్ట్ఫోన్లో ఆక్టా-కోర్ 6nm ఆధారిత UNISOC T8200 ప్రాసెసర్ ఉపయోగించారు. ఇది రోజువారీ మల్టీటాస్కింగ్, సోషల్ మీడియా, వీడియో స్ట్రీమింగ్ వంటి పనులను సులభంగా నిర్వహించగలదని కంపెనీ చెబుతోంది. AnTuTu బెంచ్మార్క్లో ఈ ఫోన్ 5 లక్షలకు పైగా స్కోర్ సాధించిందని కంపెనీ వెల్లడించింది. ఫోన్లో 4GB LPDDR4x ర్యామ్తో పాటు అదనంగా 4GB వర్చువల్ ర్యామ్ సపోర్ట్ ఉంటుంది. స్టోరేజ్ పరంగా 64GB UFS 2.2 ఇంటర్నల్ స్టోరేజ్ అందించబడింది. మైక్రోSD కార్డ్ ద్వారా 1TB వరకు మెమరీని విస్తరించుకోవచ్చు.
Lava SHARK 2 5Gలో 6000mAh భారీ బ్యాటరీ ఇవ్వబడింది. దీనికి 18W ఫాస్ట్ ఛార్జింగ్ సపోర్ట్ కూడా ఉంది. ఈ ఫోన్ ఆండ్రాయిడ్ 16 ఆధారిత క్లీన్ ఆండ్రాయిడ్ UIతో వస్తోంది. అంటే అనవసరమైన బ్లోట్వేర్ యాప్స్ లేదా ప్రకటనలు ఉండవు. వినియోగదారులకు స్వచ్ఛమైన ఆండ్రాయిడ్ అనుభవం లభిస్తుంది. ఫోటోగ్రఫీ కోసం ఫోన్ వెనుక భాగంలో 13MP AI కెమెరా, సెల్ఫీల కోసం ముందు భాగంలో 5MP ఫ్రంట్ కెమెరా అందించారు. అలాగే సైడ్ మౌంటెడ్ ఫింగర్ ప్రింట్ స్కానర్ కూడా అందుబాటులో ఉంది.
Lava SHARK 2 5G ధరను రూ. 11,999గా నిర్ణయించారు. ఈ స్మార్ట్ఫోన్ జూన్ 10 నుంచి దేశవ్యాప్తంగా లావా రిటైల్ స్టోర్లలో అమ్మకలకు అందుబాటులో ఉంటుంది. ఈ మొబైల్ కు కంపెనీ “Free Service @ Home” సేవను కూడా అందిస్తోంది. దీని ద్వారా వినియోగదారులు ఇంటి వద్దనే కొన్న తర్వాత సపోర్ట్ పొందవచ్చు.