మెటల్ ఫ్రేమ్ ఫ్లాట్ డిజైన్లో బడ్జెట్ సెగ్మెంట్లో రానున్న Lava Bold N2!
- Follow Us :
-
-
Add as a preferred
source on google
Lava Bold N2: భారత్ స్మార్ట్ఫోన్ తయారీ సంస్థ లావా (Lava International) నుండి కొత్త స్మార్ట్ఫోన్ లావా బోల్డ్ N2 (Lava Bold N2)ను త్వరలో భారత మార్కెట్లో లాంచ్ చేయనున్నట్లు తెలిపింది. ఈ ఫోన్ దేశంలో ఎక్స్క్లూజివ్గా ‘అమెజాన్’ ద్వారా విక్రయించబడనుంది. అయితే డిస్ప్లే సైజు, బ్యాటరీ సామర్థ్యం, ప్రాసెసర్, ధర వంటి కీలక వివరాలను కంపెనీ ఇంకా వెల్లడించలేదు. ఇటీవలే Lava Bold N2 లాంచ్ పై కంపెనీ టీజర్ విడుదల చేసింది. ఈ బోల్డ్ N2 గ్రే, బ్లాక్ రంగుల్లో అందుబాటులోకి రానుంది.
AP Assembly 2026: ప్రశ్నోత్తరాలతో హాట్ హాట్ చర్చలు.. మూడు బిల్లులు ప్రవేశపెట్టనున్న ప్రభుత్వం!
Lava Bold N2 డ్యూయల్ రియర్ కెమెరా సెటప్తో రానుందని టీజ్ చేశారు. చదరపు ఆకారంలోని కెమెరా మాడ్యూల్లో ఈ కెమెరాలు అమర్చబడ్డాయి. ఇందులో 13MP ప్రధాన కెమెరా ఉండనుందని కంపెనీ తెలిపింది. దీనికి తోడు LED ఫ్లాష్ కూడా ఉంటుంది. ఫోన్ ఫ్లాట్ మెటల్ ఫ్రేమ్తో వెనుక భాగం ఫ్లాట్ డిజైన్లో ఉండగా.. దిగువ ఎడమ వైపున కంపెనీ బ్రాండింగ్ కనిపిస్తుంది. కుడి వైపున పవర్ బటన్, వాల్యూమ్ కంట్రోల్స్ ఇవ్వబడ్డాయి. వీటితోపాటు ఫోన్లో USB Type-C పోర్ట్, 3.5mm ఆడియో జాక్, కింది భాగంలో స్పీకర్ గ్రిల్ ఉండనున్నాయి.
ఈ కొత్త మోడల్ గతంలో విడుదలైన లావా బోల్డ్ N1కు అప్డేటెడ్ గా రానుంది. Lava Bold N1ను మే 2025లో భారత మార్కెట్లో రూ. 5,999 ప్రారంభ ధరతో లాంచ్ చేశారు. ఇందులో 6.75 ఇంచ్ HD+ డిస్ప్లే, 90Hz రిఫ్రెష్ రేట్, Unisoc 9863A చిప్సెట్, 5,000mAh బ్యాటరీ వంటి ఫీచర్లతో అది బడ్జెట్ లెవల్ సెగ్మెంట్లో మంచి ఆదరణ పొందింది.