Kodak QLED SE 80 cm: తక్కువ ధరలో QLED అనుభవం.. Kodak స్మార్ట్ టీవీపై రూ. 10 వేల డిస్కౌంట్

భారత మార్కెట్లో బడ్జెట్ స్మార్ట్ టీవీలకు డిమాండ్ పెరుగుతున్న నేపథ్యంలో Kodak తన కొత్త Kodak QLED SE 32 ఇంచ్ HD Ready Smart Linux TV (32QSE5080)ను విడుదల చేసింది. QLED డిస్‌ప్లే, శక్తివంతమైన స్పీకర్లు, స్మార్ట్ కనెక్టివిటీ ఫీచర్లతో వినియోగదారులను ఆకట్టుకుంటోంది. ఈ టీవీలో 32 ఇంచ్ (80 సెం.మీ.) QLED HD Ready డిస్‌ప్లే అందించారు. 1366 x 768 పిక్సెల్స్ రిజల్యూషన్‌తో పాటు 60Hz రిఫ్రెష్ రేట్ లభిస్తుంది. QLED ప్యానెల్ కారణంగా సాధారణ LED టీవీలతో పోలిస్తే మెరుగైన రంగులు, కాంట్రాస్ట్, బ్రైట్‌నెస్ అందుతుంది. కంపెనీ 400 నిట్స్ వరకు బ్రైట్‌నెస్‌ను అందిస్తున్నట్లు పేర్కొంది.

ధర

Kodak QLED SE 32QSE5080 టీవీ ధర ప్రస్తుతం అమెజాన్ లో రూ.8,999కి అందుబాటులో ఉంది. దీని అసలు ధర రూ. 18999 కాగా 53 శాతం డిస్కౌంట్ తో కొనుగోలు చేయొచ్చు. ఈ టీవీపై 1 సంవత్సరం వారంటీ లభిస్తుంది.

శక్తివంతమైన 36W సౌండ్

ఈ టీవీ ప్రధాన ఆకర్షణల్లో ఒకటి 36W స్పీకర్ అవుట్‌పుట్. ఈ ధరలో లభించే అనేక 32 ఇంచ్ టీవీలతో పోలిస్తే ఇది ఎక్కువ సౌండ్ సామర్థ్యాన్ని అందిస్తుంది. సినిమాలు, వెబ్ సిరీస్‌లు, స్పోర్ట్స్ వీక్షణకు మంచి ఆడియో అనుభవం లభించే అవకాశం ఉంది.

స్మార్ట్ ఫీచర్లు

Kodak QLED SE టీవీ Linux ఆధారిత స్మార్ట్ ప్లాట్‌ఫారమ్‌పై పనిచేస్తుంది. ఇందులో YouTube, Prime Video, Sony LIV, Zee5, JioHotstar వంటి ప్రముఖ యాప్‌లకు సపోర్ట్ లభిస్తుంది. అలాగే డ్యూయల్-బ్యాండ్ Wi-Fi, Bluetooth 5.0, స్క్రీన్ మిరరింగ్ వంటి ఫీచర్లు కూడా అందుబాటులో ఉన్నాయి. అయితే Google TV లేదా Android TV తరహాలో పూర్తి Play Store యాక్సెస్ ఇందులో ఉండకపోవచ్చు. అందువల్ల యాప్ ఎంపికలు కొంత పరిమితంగా ఉండే అవకాశం ఉంది.

కనెక్టివిటీ ఆప్షన్లు

ఈ టీవీలో:

2 HDMI పోర్టులు
2 USB పోర్టులు
Bluetooth 5.0
Ethernet పోర్ట్
Optical Audio Output
eARC సపోర్ట్ లభిస్తాయి. దీంతో సెట్‌టాప్ బాక్స్, గేమింగ్ కన్సోల్ లేదా ఇతర డివైస్‌లను సులభంగా కనెక్ట్ చేసుకోవచ్చు.