Kodak IconiK 65-inch Mini LED QD Google TV Launch: భారత టెలివిజన్ (TV) మార్కెట్లో కోడాక్ (Kodak) నుండి కొత్తగా IconiK సిరీస్లో భాగంగా 65 అంగుళాల మినీ QD గూగుల్ టీవీను లాంచ్ చేసింది. అధునాతన మినీ LED, క్వాంటమ్ డాట్ టెక్నాలజీ, 120Hz రిఫ్రెష్ రేట్, భారీ సౌండ్ అవుట్ పుట్ తో ఈ టీవీ హోమ్ ఎంటర్టైన్మెంట్ను మరింత ప్రీమియంగా మార్చేలా దీనిని తయారు చేశారు.
4K Mini LED డిస్ప్లే, టెక్నాలజీ:
ఈ టీవీ 65 అంగుళాల బెజెల్లెస్ 4K (3840 × 2160) డిస్ప్లేతో వస్తుంది. అలాగే ఇది 120Hz రిఫ్రెష్ రేట్, VRR, ALLM సపోర్ట్తో గేమింగ్, వీడియో ప్లేబ్యాక్ చాలా స్మూత్గా అందిస్తుంది. క్వాంటమ్ డాట్ టెక్నాలజీతో పాటు 288 లోకల్ డిమ్మింగ్ జోన్లు ఉండటంతో డీప్ బ్లాక్స్, బ్రైట్ కలర్స్ స్పష్టంగా కనిపిస్తాయి. ఇక ఈ డిస్ప్లే1500 నిట్స్ బ్రైట్నెస్, 1.1 బిలియన్ కలర్స్, అల్ట్రా WCG, డాల్బీ విజన్, HDR10, HLG సపోర్ట్తో సినిమాలు, వెబ్ సిరీస్లు అద్భుతమైన క్వాలిటీలో కనిపిస్తాయి.
పవర్ఫుల్ సౌండ్:
ఈ టీవీలో 6 స్పీకర్లు, 2 సబ్వూఫర్లు కలిపి మొత్తం 108W సౌండ్ అవుట్ పుట్ అందించారు. డాల్బీ లాబొరేటరీస్ రూపొందించిన ‘డాల్బీ ఆటమ్స్’ టెక్నాలజీ సపోర్ట్ తో మల్టీ ఛానల్ ఆడియో అనుభవం లభిస్తుంది. దీంతో ఇంట్లోనే థియేటర్ స్థాయి సౌండ్ అనుభవం పొందవచ్చు.
స్మార్ట్ ఫీచర్లు:
ఈ టీవీ గూగుల్ అందించే ‘గూగుల్ టీవీ’ ప్లాట్ఫామ్పై పనిచేస్తుంది. గూగుల్ అసిస్టెంట్ ద్వారా వాయిస్ కమాండ్స్ తో టీవీని సులభంగా నియంత్రించవచ్చు. అలాగే బిల్ట్-ఇన్ క్రోమ్ క్యాస్ట్, ఆపిల్ ఎయిర్ ప్లే సపోర్ట్తో మొబైల్ నుంచి టీవీకి కంటెంట్ను స్ట్రీమ్ చేయవచ్చు. గూగుల్ ప్లే ద్వారా అనేక యాప్స్ను డౌన్లోడ్ చేసుకునే అవకాశం ఉంది.
ప్రాసెసర్:
ఈ టీవీ మీడియాటెక్ ప్రాసెసర్, Mali-G52 GPUతో వస్తుంది. ఇది 2GB ర్యామ్, 16GB స్టోరేజ్ తో యాప్స్, సిస్టమ్ పనితీరు స్మూత్గా ఉంటుంది. కనెక్టివిటీ కోసం Wi-Fi, బ్లూటూత్ 5.0, 3 HDMI పోర్ట్స్, 2 USB పోర్ట్స్, eARC, ఆప్టికల్, ఈథర్నెట్ వంటి అన్ని అవసరమైన ఆప్షన్లు అందించారు.
ధర:
కోడాక్ IconiK సిరీస్ 65 అంగుళాల మినీ QD గూగుల్ టీవీ ధర రూ. 57,999గా నిర్ణయించారు. ఈ టీవీ అమెజాన్ ఇండియాలో కొనుగోలు చేయడానికి అందుబాటులో ఉంది.