బడ్జెట్ స్మార్ట్ఫోన్ల విభాగంలో మరో కొత్త ఫోన్ను తీసుకురావడానికి ఇన్ఫినిక్స్ సిద్ధమైంది. కంపెనీ తన కొత్త స్మార్ట్ఫోన్ ఇన్ఫినిక్స్ స్మార్ట్ 20ను జూన్ 8న భారత మార్కెట్లో విడుదల చేయనున్నట్లు అధికారికంగా ప్రకటించింది. ఈ ఫోన్ ధర రూ.10,000 లోపే ఉండే అవకాశం ఉందని సమాచారం. ఇప్పటికే ఈ ఫోన్కు సంబంధించిన మైక్రోసైట్ ఫ్లిప్కార్ట్లో లైవ్ కావడంతో పలు కీలక ఫీచర్లు వెలుగులోకి వచ్చాయి.
జూన్ 8న లాంచ్
ఇన్ఫినిక్స్ స్మార్ట్ 20 స్మార్ట్ఫోన్ జూన్ 8న మధ్యాహ్నం 12 గంటలకు విడుదల కానుంది. ఈ ఫోన్ను ఫ్లిప్కార్ట్ ద్వారా కొనుగోలు చేయవచ్చు. క్లౌడ్లైన్ బ్లూ, పోలారిస్ టైటానియం, షాడో బ్లాక్, సన్లైట్ ఆరెంజ్ అనే నాలుగు ఆకర్షణీయమైన కలర్స్ లో ఇది అందుబాటులోకి రానుంది.
లిస్టింగ్ ప్రకారం, ఫోన్ వెనుక భాగంలో డ్యూయల్ కెమెరా సెటప్తో పాటు ఎల్ఈడీ ఫ్లాష్ లైట్ను అందించారు. అలాగే 3D టెక్స్చర్డ్ డిజైన్తో స్టైలిష్ లుక్ను కలిగి ఉంటుంది.
అంచనా ఫీచర్లు
మైక్రోసైట్ వివరాల ప్రకారం, ఇన్ఫినిక్స్ స్మార్ట్ 20లో పంచ్-హోల్ డిస్ప్లే ఇవ్వనున్నారు. ఫోన్ మందం కేవలం 7.7 మిల్లీమీటర్లు మాత్రమే ఉండనుంది. పనితీరు విషయానికి వస్తే, ఈ స్మార్ట్ఫోన్లో మీడియాటెక్ హీలియో G81 ప్రాసెసర్ ఉండే అవకాశం ఉంది. ఇందులో 4GB ర్యామ్తో పాటు మైక్రోఎస్డీ కార్డ్ ద్వారా 2TB వరకు స్టోరేజ్ విస్తరించుకునే సదుపాయం లభించనుంది.
అలాగే 120Hz రిఫ్రెష్ రేట్ సపోర్ట్తో కూడిన 6.78 అంగుళాల డిస్ప్లేను అందించే అవకాశం ఉంది. పవర్ బ్యాకప్ కోసం 5,200mAh బ్యాటరీని అందించనున్నారు. ఈ బ్యాటరీ 15W ఫాస్ట్ వైర్డ్ ఛార్జింగ్తో పాటు 5W రివర్స్ వైర్డ్ ఛార్జింగ్కు మద్దతు ఇస్తుందని సమాచారం. ఇక IP64 రేటింగ్తో ఈ ఫోన్ నీరు, ధూళి నుంచి రక్షణ పొందనుంది.
ఇన్ఫినిక్స్ స్మార్ట్ 10 ఫీచర్లు
గత సంవత్సరం విడుదలైన ఇన్ఫినిక్స్ స్మార్ట్ 10 భారత మార్కెట్లో రూ.6,799 ప్రారంభ ధరతో అందుబాటులోకి వచ్చింది. ఈ ఫోన్ 4GB ర్యామ్, 64GB స్టోరేజ్తో వచ్చింది. ఇందులో 6.67 అంగుళాల HD+ డిస్ప్లే, యూనిసోక్ T7250 ప్రాసెసర్, 8MP రియర్ కెమెరా, 8MP సెల్ఫీ కెమెరా ఉన్నాయి. అలాగే 5,000mAh బ్యాటరీతో పాటు ఆండ్రాయిడ్ 15 ఆపరేటింగ్ సిస్టమ్పై పనిచేస్తుంది. తక్కువ ధరలో మంచి ఫీచర్లు కోరుకునే వినియోగదారులకు ఇన్ఫినిక్స్ స్మార్ట్ 20 ఒక ఆకర్షణీయమైన ఎంపికగా నిలిచే అవకాశం ఉంది.