Honor X80: 10,000mAh భారీ బ్యాటరీతో హానర్ X80 వచ్చేస్తోంది.. పవర్‌ఫుల్ ఫీచర్లు హైలైట్!

Honor త్వరలో భారీ బ్యాటరీతో మరో స్మార్ట్‌ఫోన్‌ను మార్కెట్లోకి తీసుకురానుంది. కంపెనీ కొత్తగా Honor X80 ను వచ్చే నెలలో విడుదల చేసే అవకాశం ఉందని సమాచారం. ఈ ఫోన్‌కు సంబంధించిన కీలక ఫీచర్లు ఇప్పటికే ఆన్‌లైన్‌లో లీక్ అయ్యాయి. ఈ కొత్త మోడల్ గత ఏడాది విడుదలైన Honor X70కు అప్‌గ్రేడ్ వెర్షన్‌గా రానుంది. గతంలో వచ్చిన Honor X70లో 8,300mAh బ్యాటరీ ఉండగా, ఇప్పుడు Honor X80లో మరింత భారీ 10,000mAh బ్యాటరీను అందించనున్నట్లు తెలుస్తోంది.

జూన్‌లో లాంచ్ అయ్యే అవకాశం

లీక్ సమాచారం ప్రకారం, Honor X80 జూన్ 10 నుంచి 20 మధ్యలో విడుదల కావచ్చని తెలుస్తోంది. ఇటీవల విడుదలైన Honor X80i తర్వాత ఈ సిరీస్‌లో వస్తున్న రెండో ఫోన్ ఇదే. ఈ వివరాలు చైనీస్ మైక్రోబ్లాగింగ్ ప్లాట్‌ఫామ్ వీబో ద్వారా వెలుగులోకి వచ్చాయి.

10,000mAh భారీ బ్యాటరీ హైలైట్

Honor X80లో ప్రధాన ఆకర్షణగా 10,000mAh భారీ బ్యాటరీ ఉండనుందని సమాచారం. అలాగే, ఈ ఫోన్ 90W ఫాస్ట్ ఛార్జింగ్ సపోర్ట్‌తో రానుందని అంచనా. అంతేకాకుండా, ఈ స్మార్ట్‌ఫోన్‌కు షాక్-రెసిస్టెంట్ బాడీ డిజైన్‌ను కూడా అందించే అవకాశం ఉంది. దీంతో ఫోన్ మరింత బలంగా, మన్నికగా ఉండనుంది.

డిస్‌ప్లే ఫీచర్లు

ఈ ఫోన్‌లో 6.8 అంగుళాల LTPO OLED డిస్‌ప్లే ఉండే అవకాశం ఉంది. ఇది 1.5K రిజల్యూషన్‌తో పాటు 120Hz రిఫ్రెష్ రేట్‌కు సపోర్ట్ చేస్తుందని తెలుస్తోంది. డిస్‌ప్లే గరిష్టంగా 6000 నిట్స్ బ్రైట్‌నెస్‌ను అందించనున్నట్లు లీక్ సమాచారం చెబుతోంది.

ప్రాసెసర్, కెమెరా వివరాలు

Honor X80లో క్వాల్‌కామ్ మిడ్-రేంజ్ చిప్‌సెట్‌ను ఉపయోగించే అవకాశం ఉంది. ఈ ఫోన్ Snapdragon 6 Gen 5 ప్రాసెసర్‌తో పనిచేస్తుందని అంచనా.

కెమెరాల విషయానికి వస్తే.. 50MP ప్రైమరీ కెమెరా, 8MP సెకండరీ కెమెరా సెటప్ ఉండే అవకాశం ఉంది. ఈ స్మార్ట్‌ఫోన్‌లో 5G, 4G, Wi-Fi, Bluetooth వంటి కనెక్టివిటీ ఫీచర్లు ఉండనున్నాయి.

అలాగే, ఈ ఫోన్‌ను:

మిస్టిక్ బ్లాక్
మూన్‌లైట్ వైట్
లైట్నింగ్ రెడ్
వైబ్రెంట్ ఆరెంజ్ రంగులలో విడుదల చేసే అవకాశం ఉందని సమాచారం.