Honor Win Turbo: హానర్ విన్ టర్బో రిలీజ్.. 10,000mAh బ్యాటరీ, 80W ఫాస్ట్ ఛార్జింగ్, 50MP కెమెరా

Honor తన కొత్త Honor Win Turbo స్మార్ట్‌ఫోన్‌ను చైనాలో అధికారికంగా విడుదల చేసింది. హానర్ విన్ సిరీస్‌లో వచ్చిన ఈ కొత్త ఫోన్ భారీ 10,000mAh బ్యాటరీ, 80W ఫాస్ట్ ఛార్జింగ్ వంటి శక్తివంతమైన ఫీచర్లతో ఆకట్టుకుంటోంది. ఈ ఫోన్ మూడు కలర్ ఆప్షన్స్ లో అందుబాటులోకి వచ్చింది. అలాగే 16GB వరకు RAM, 512GB వరకు స్టోరేజ్‌తో విడుదలైంది. ఈ ఫోన్ బ్లాక్, బ్లూ, వైట్ రంగుల్లో లభిస్తుంది.

హానర్ విన్ టర్బో ధర

Honor Win Turbo మూడు స్టోరేజ్ వేరియంట్లలో అందుబాటులో ఉంది.

12GB + 256GB వేరియంట్ ధర: CNY 3,299 (సుమారు రూ.46,000)
12GB + 512GB వేరియంట్ ధర: CNY 3,599 (సుమారు రూ.50,000)
16GB + 512GB వేరియంట్ ధర: CNY 4,199 (సుమారు రూ.60,000)

డిస్‌ప్లే ఫీచర్లు

Honor Win Turboలో 6.79 అంగుళాల 1.5K AMOLED Oasis Eye Protection డిస్‌ప్లేను అందించారు.

ఈ డిస్‌ప్లే:

120Hz రిఫ్రెష్ రేట్
3840Hz PWM డిమ్మింగ్
94.62% స్క్రీన్-టు-బాడీ రేషియో
8000 నిట్స్ పీక్ బ్రైట్‌నెస్ ఫీచర్లతో వస్తుంది.

ప్రాసెసర్, పనితీరు

ఈ ఫోన్‌లో MediaTek Dimensity 8500 Racing Edition చిప్‌సెట్‌ను ఉపయోగించారు. గ్రాఫిక్స్ కోసం Mali-G720 MC8 GPU అందించారు. 16GB వరకు LPDDR5X RAM, 512GB వరకు UFS 4.1 స్టోరేజ్ అందుబాటులో ఉన్నాయి. నెట్‌వర్క్ బలహీనంగా ఉండే ప్రాంతాల్లో కూడా మెరుగైన కనెక్టివిటీ కోసం C1+ RF ఎన్‌హాన్స్‌మెంట్ చిప్‌ను కూడా జోడించారు.

కెమెరా సెటప్

Honor Win Turboలో డ్యూయల్ రియర్ కెమెరా సెటప్ ఉంది. OIS సపోర్ట్‌తో 50MP ప్రైమరీ కెమెరా, 5MP అల్ట్రా వైడ్ కెమెరా ఉన్నాయి. సెల్ఫీలు, వీడియో కాల్స్ కోసం 16MP ఫ్రంట్ కెమెరా అందించారు. గేమింగ్, హెవీ యూజ్ సమయంలో ఫోన్ వేడెక్కకుండా ఉండేందుకు 40,000 చదరపు మిల్లీమీటర్ల లిక్విడ్ కూలింగ్ సిస్టమ్‌ను అందించారు.

కనెక్టివిటీ, సేఫ్టీ ఫీచర్లు

ఈ ఫోన్‌లో 5G, Bluetooth 6.0, NFC, USB Type-C, GPS వంటి కనెక్టివిటీ ఫీచర్లు ఉన్నాయి. భద్రత కోసం ఫింగర్‌ప్రింట్ సెన్సార్‌ను అందించారు.

అలాగే, ఈ ఫోన్‌కు: IP66, IP68, IP69, IP69K దుమ్ము, నీటి నిరోధక రేటింగ్స్ లభించాయి. Honor Win Turboలో ప్రధాన ఆకర్షణ 10,000mAh భారీ బ్యాటరీ. 80W ఫాస్ట్ ఛార్జింగ్, 27W రివర్స్ ఛార్జింగ్ కు సపోర్ట్ చేస్తుంది. ఒక్కసారి ఛార్జ్ చేస్తే 17.3 గంటల వరకు నావిగేషన్, 14.2 గంటల వరకు గేమింగ్ సపోర్ట్ అందిస్తుందని కంపెనీ తెలిపింది. ఈ ఫోన్ బరువు సుమారు 216 గ్రాములు కాగా, మందం 7.98mmగా ఉంది.