Hisense UR8S MiniLED TV: హిసెన్స్ (Hisense) సంస్థ భారత మార్కెట్లో కొత్తగా UR8S RGB MiniLED TV సిరీస్ ను లాంచ్ చేసింది. RGB MiniLED టెక్నాలజీ, 4K రిజల్యూషన్, 180Hz రిఫ్రెష్ రేట్, 3,500 nits వరకు పీక్ బ్రైట్నెస్ వంటి ఫీచర్లతో ఈ టీవీ సిరీస్ను వచ్చేసింది. 55, 65, 75 అంగుళాల స్క్రీన్ సైజుల్లో ఇది అందుబాటులోకి వచ్చింది.
RGB MiniLED డిస్ప్లే:
హిసెన్స్ UR8S సిరీస్లో RGB MiniLED టెక్నాలజీని ఉపయోగించారు. Hi-View AI Engine RGB ద్వారా రంగులు, బ్రైట్నెస్, పిక్చర్ క్వాలిటీని రియల్ టైమ్లో ఆప్టిమైజ్ చేస్తుంది. అలాగే AI RGB Light Sensor పరిసరాల్లోని లైటింగ్ పరిస్థితులను గుర్తించి పిక్చర్ సెట్టింగ్స్ను ఆటోమేటిక్గా సర్దుబాటు చేస్తుంది. ఈ టీవీలు 3840 × 2160 పిక్సెల్స్ 4K Ultra HD రిజల్యూషన్తో వస్తాయి. 3,500 nits వరకు పీక్ బ్రైట్నెస్, నేటివ్ 180Hz రిఫ్రెష్ రేట్, యాంటీ-రిఫ్లెక్షన్, గ్లేర్-ఫ్రీ టెక్నాలజీలు ఉన్నాయి.
గేమింగ్కు అనుకూలంగా..
గేమింగ్ కోసం AMD FreeSync Premium Pro, VRR, ALLM వంటి ఫీచర్లను అందించారు. HDR10+ గేమింగ్, డాల్బీ విజన్ గేమింగ్, గేమ్ బార్ సపోర్ట్ కూడా ఉన్నాయి. దీంతో హై-ఫ్రేమ్-రేట్ గేమింగ్లో స్మూత్ విజువల్స్ను అందించేందుకు ఈ టీవీ ఉపయోగపడుతుంది. HDR విభాగంలో డాల్బీ విజన్ IQ, HDR10+, HDR10+ అడాప్టివ్, HLG, IMAX Enhanced వంటి ఫార్మాట్లకు సపోర్ట్ ఉంది. 55 అంగుళాల మోడల్ 5,000:1 కాంట్రాస్ట్ రేషియోను, 65 అంగుళాల మోడల్ 6,000:1 కాంట్రాస్ట్ రేషియోను అందిస్తుంది.
డాల్బీ ఆటమ్స్ ఆడియో:
ఆడియో విషయానికి వస్తే.. ఇందులో 2.1.2-ఛానల్ మల్టీ-ఛానల్ సరౌండ్ సౌండ్ సిస్టమ్ను ఇందులో అందించారు. మొత్తం 89W స్పీకర్ అవుట్పుట్తో పాటు బిల్ట్-ఇన్ సబ్వూఫర్, డాల్బీ ఆటమ్స్ సపోర్ట్ ఉన్నాయి.
VIDAA స్మార్ట్ టీవీ:
ఈ కొత్త సిరీస్ VIDAA TV ఆపరేటింగ్ సిస్టమ్పై పనిచేస్తుంది. ఇందులో స్థానిక, అంతర్జాతీయ స్ట్రీమింగ్ సర్వీసులను యాక్సెస్ చేసుకోవచ్చు. హాండ్స్-ఫ్రీ వాయిస్ కంట్రోల్, VIDAA వాయిస్, బిల్ట్-ఇన్ అలెక్స వంటి వాయిస్ ఫీచర్లు ఉన్నాయి. వీటితోపాటు గూగుల్ హోమ్, ఆపిల్ ఎయిర్ ప్లే, ఆపిల్ హోమ్ ఇంటిగ్రేషన్, ఎయిర్ ప్లే 2, స్క్రీన్ షేరింగ్, కంటెంట్ షేరింగ్ వంటి స్మార్ట్ ఫీచర్లు అందుబాటులో ఉన్నాయి.
కనెక్టివిటీ:
కనెక్టివిటీ కోసం Wi-Fi 6E, బ్లూటూత్ 5.4, ఈథర్నెట్, ఆప్టికల్ ఆడియో, CI+తో పాటు రెండు RF ట్యూనర్లను అందించారు. టీవీ డిజైన్ అల్ట్రా-స్లిమ్, బెజెల్-లెస్గా ఉంటుంది.
ధరలు:
భారత్లో Hisense UR8S RGB MiniLED TV సిరీస్ ధరలు రూ.1,19,990 నుంచి ప్రారంభమవుతాయి. 55 అంగుళాలు, 65 అంగుళాలు, 75 అంగుళాల స్క్రీన్ సైజుల్లో ఈ సిరీస్ అందుబాటులో ఉంటుంది. ఈ టీవీలను వివిధ కన్స్యూమర్ ఎలక్ట్రానిక్స్ రిటైలర్లతో పాటు అమెజాన్, ఫ్లిప్కార్ట్ వంటి ఆన్లైన్ ప్లాట్ఫామ్ల ద్వారా కొనుగోలు చేయవచ్చు. లాంచ్ ఆఫర్లో భాగంగా రూ.10,000 వరకు క్యాష్బ్యాక్, రెండేళ్ల కాంప్రహెన్సివ్ వారంటీ, ఒక ఉచిత EMI, జీరో డౌన్ పేమెంట్, ఫిక్స్డ్ EMI ఆప్షన్లను కంపెనీ అందిస్తోంది.