ASUS T3201: 9,000mAh బ్యాటరీ, 12.2 అంగుళాల OLED డిస్‌ప్లేతో.. ASUS కొత్త టాబ్లెట్ విడుదల

టెక్ దిగ్గజం ఆసుస్ (ASUS) చాలా సంవత్సరాల విరామం తర్వాత టాబ్లెట్ మార్కెట్లోకి మళ్లీ అడుగుపెట్టింది. కంపెనీ తన కొత్త టాబ్లెట్ ASUS Pad (T3201) ను అధికారికంగా ప్రకటించింది. ఆండ్రాయిడ్ 16 ఆపరేటింగ్ సిస్టమ్‌పై పనిచేసే ఈ టాబ్లెట్ ప్రీమియం డిస్‌ప్లే, శక్తివంతమైన పనితీరు, దీర్ఘకాలిక బ్యాటరీ బ్యాకప్‌తో వినియోగదారులను ఆకట్టుకునేలా రూపొందించారు.

ప్రీమియం OLED డిస్‌ప్లే

ASUS Pad (T3201)లో 12.2 అంగుళాల 2.8K డ్యూయల్-లేయర్ OLED డిస్‌ప్లేను అందించారు. ఈ స్క్రీన్ 144Hz రిఫ్రెష్ రేట్‌కు మద్దతు ఇస్తుంది. డ్యూయల్-లేయర్ OLED టెక్నాలజీ కారణంగా రెండు OLED లేయర్లు ఒకదానిపై ఒకటి అమర్చబడి ఉంటాయి. దీంతో డిస్‌ప్లే మరింత ప్రకాశవంతంగా ఉండటంతో పాటు విద్యుత్ వినియోగం కూడా తగ్గుతుంది. సాధారణ OLED ప్యానెల్‌లతో పోలిస్తే ఈ టెక్నాలజీ డిస్‌ప్లే లైఫ్ టైమ్ ని పెంచడంలో సహాయపడుతుంది. టాబ్లెట్ 600 నిట్స్ మాక్సిమమ్ బ్రైట్ నెస్ ని అందిస్తుంది.

MediaTek Dimensity 8300 ప్రాసెసర్

ఈ టాబ్లెట్‌కు 4nm టెక్నాలజీపై రూపొందించిన MediaTek Dimensity 8300 చిప్‌సెట్ శక్తినిస్తుంది. ఇది అధిక పనితీరు, మెరుగైన పవర్ ఎఫిషియెన్సీని అందిస్తుంది.

ASUS Pad (T3201)లో:

8GB LPDDR5X RAM
128GB లేదా 256GB UFS 3.1 స్టోరేజ్ ఆప్షన్‌లు అందుబాటులో ఉన్నాయి.

కెమెరాలు, కనెక్టివిటీ

ఫోటోగ్రఫీ కోసం టాబ్లెట్‌లో:

13MP రియర్ కెమెరా, 5MP ఫ్రంట్ కెమెరా అందించారు.

కనెక్టివిటీ పరంగా Wi-Fi 6E, Bluetooth 5.3 సపోర్ట్ లభిస్తుంది. దీంతో వేగవంతమైన ఇంటర్నెట్ కనెక్షన్, తక్కువ లేటెన్సీ అనుభవం లభిస్తుంది.

9,000mAh బ్యాటరీ, 45W ఫాస్ట్ ఛార్జింగ్

ASUS Pad (T3201)లో 9,000mAh భారీ బ్యాటరీని అమర్చారు. ఇది రోజువారీ పనులకు దీర్ఘకాలిక బ్యాటరీ బ్యాకప్‌ను అందిస్తుంది. అలాగే 45W USB Type-C ఫాస్ట్ ఛార్జింగ్‌కు మద్దతు ఉంది. కంపెనీ ప్రకారం, కేవలం 30 నిమిషాల్లో బ్యాటరీ 50 శాతం వరకు ఛార్జ్ అవుతుంది.

ధర ఇంకా వెల్లడి కాలేదు

ప్రస్తుతం ASUS Pad (T3201) టాబ్లెట్ ధర, విక్రయాల ప్రారంభ తేదీ గురించి కంపెనీ అధికారికంగా ఎలాంటి సమాచారం ప్రకటించలేదు. త్వరలోనే ఈ వివరాలను వెల్లడించే అవకాశం ఉంది.