Sachin-Sehwag-Ganguly: సచిన్–సెహ్వాగ్ ప్రాంక్‌.. టాయిలెట్‌లో ఉన్న గంగూలీ బలి!

Sachin Tendulkar and Virender Sehwag Prank on Sourav Ganguly: భారత క్రికెట్ చరిత్రలో ఎన్నో గుర్తుండిపోయే మ్యాచ్‌లు మాత్రమే కాకుండా.. ఆటగాళ్ల మధ్య జరిగిన సరదా సంఘటనలు కూడా అభిమానులను ఎప్పటికప్పుడు అలరిస్తుంటాయి. అలాంటి ఓ ఆసక్తికరమైన ప్రాంక్ స్టోరీని మాజీ ఓపెనర్ వీరేంద్ర సెహ్వాగ్ తాజాగా వెల్లడించాడు. ఈ సరదా ఘటనలో వీరూతో పాటు లెజెండరీ బ్యాట్స్‌మన్ సచిన్ టెండూల్కర్ ఉన్నారు. ఈ ఇద్దరు కలిసి మాజీ కెప్టెన్ సౌరవ్ గంగూలీని బకరా చేశారు.

వీరేంద్ర సెహ్వాగ్ మాట్లాడుతూ… ‘నేను, సచిన్ టెండూల్కర్ అప్పట్లో అడిడాస్ బ్రాండ్ అంబాసిడర్లుగా ఉన్నాం. ఒకసారి ఇద్దరం కలిసి సరదాగా సౌరవ్ గంగూలీని ఆటపట్టించాలని ప్లాన్ చేశాం. నేను-సచిన్ కావాలనే టాయిలెట్‌కు వెళ్లాం. దాదా కూడా వచ్చాడు. గంగూలీ టాయిలెట్‌లో ఉన్నప్పుడు మేము బయట నిలబడి.. జర్మనీ నుంచి వచ్చిన కొత్త టీషర్ట్స్ చాలా స్ట్రాంగ్‌గా ఉన్నాయని ఉద్దేశపూర్వకంగా మాట్లాడాం. ఇక అక్కడికి నుంచి బయటికి వచ్చాం. ఆ మాటలు వినగానే దాదా నిజంగానే టీషర్ట్స్ వచ్చాయని నమ్మేశాడు’ అని చెప్పాడు.

Also Read: Galaxy S26 Series Price: ఇండియన్ మార్కెట్‌లో గెలాక్సీ S26 సిరీస్ ధరలు ఇవే.. టాప్ ఎండ్‌కు మతిపోయే ప్రైస్!

‘టాయిలెట్‌ నుంచి బయటకు వచ్చిన వెంటనే సౌరవ్ గంగూలీ నేరుగా అడిడాస్ అధికారులకు కాల్ చేశాడు. సచిన్, సెహ్వాగ్‌కు ఇచ్చిన జర్మనీ టీషర్ట్స్ నాకు కూడా పంపండని కోరాడు. దీంతో ఆశ్చర్యపోయిన కంపెనీ ప్రతినిధులు నాకు, సచిన్‌కు కాల్ చేశారు. అప్పుడు అసలు విషయం బయటపడింది. చివరికి ఇది సరదా ప్రాంక్ అని తెలిసి గంగూలీ నవ్వుకున్నాడు’ అని వీరేంద్ర సెహ్వాగ్ వివరించాడు. అప్పట్లో క్రికెట్ లెజెండ్స్ మధ్య ఉన్న స్నేహబంధం, సరదా సంఘటనలు అభిమానులను ఆకట్టుకుంటోంది. మ్యాచ్‌లలో సీరియస్‌గా కనిపించే ఈ దిగ్గజాలు.. ఆఫ్ ఫీల్డ్‌లో ఎంత సరదాగా ఉంటారో ఈ సంఘటన స్పష్టం చేస్తోంది.