NTV Telugu Site icon

అది గతం… ఈ సారి విజయం మాదే : పాక్ కెప్టెన్ సవాల్

టీ20 వరల్డ్ కప్ లో భాగంగా ఇవాళ ఇండియా వర్సెస్‌ పాక్‌ మ్యాచ్‌ జరుగనున్న సంగతి తెలిసిందే. అయితే… ఈ మ్యాచ్‌ పై పాక్ కెప్టెన్ బాబర్ అజామ్ ఆసక్తి కర వ్యాఖ్యలు చేశారు. టీ20 వరల్డ్ కప్ లో భారత్​తో జరగనున్న మ్యాచ్​ను మేము ప్రతిష్టాత్మకంగా భావిస్తున్నామని… మా ఇరు జట్ల మధ్య పోటీ ఎంతో ఆసక్తికరంగా ఉంటుందన్నారు.

టీ20 ప్రపంచకప్​ చరిత్రలో ఇప్పటి వరకు తమ జట్టు టీమ్ ఇండియాను ఓడించలేదని… కానీ, అది గతం…ఇప్పుడు చరిత్ర తిరగరాయబోతున్నామని స్పష్టం చేశారు. ఇవాళ్టి మ్యాచ్​లో విజయం తమదేనని… ఒత్తిడిలోనూ ఎలా ఆడాలి అనే దానిపై ప్రణాళికలను రచించామని తెలిపారు. ఈ మ్యాచ్​లో ఇరు జట్లకు చెందిన ఆటగాళ్లు మైదానంలో నియంత్రణ కోల్పోకుండా ఉంటారని ఆశిస్తున్నాని… టీమ్ ఇండియాపై విజయం సాధించేందుకు స్పిన్నర్లతో బరిలో దిగనున్నామని ప్రకటించారు. ఈ సారి కచ్చితంగా విజయం సాధిస్తామని ధీమా వ్యక్తం చేశారు పాక్ కెప్టెన్ బాబర్ అజామ్.