కుంబ్లే రికార్డు బ్రేక్ చేసిన అశ్విన్…

ప్రస్తుతం భారత టెస్ట్ జట్టులో ముఖ్యమైన ఆటగాడు రవిచంద్రన్ అశ్విన్. ప్రతి మ్యాచ్ లో బౌలింగ్ దాడిని ముందుండి నడిపిస్తాడు అశ్విన్. అయితే ఈరోజు కివీస్ తో జరుగుతున్న రెండో టెస్ట్ మూడో రోజు ఆటలో అశ్విన్ అనిల్ కుంబ్లే రికార్డు ను బ్రేక్ చేసాడు. అయితే ఈ ఒక్క ఏడాది టెస్ట్ లో అత్యధిక వికెట్లు తీసిన ఆటగాడిగా అశ్విన్ నిలిచాడు. అశ్విన్ ఇప్పటికే ఈ 2021 లో 50 టెస్ట్ వికెట్లు పడగొట్టాడు. అతని తర్వాత పాకిస్థాన్ బౌలర్ షాహీన్ అఫ్రిది 44 వికెట్లతో రెండో స్థానంలో ఉన్నాడు.

అయితే దీంతో … ఇలా ఒక ఏడాదిలో 50 వికెట్లు ఎక్కువ సార్లు తీసిన భారత బౌలర్ గా కూడా అశ్విన్ నిలిచాడు. ఇంతక ముందు ఈ రికార్డు కుంబ్లే పేరిట ఉండేది. కుంబ్లే 1999, 2004, 2006… ఇలా మూడు సంవత్సరాలు 50 టెస్ట్ వికెట్లు తీసాడు. కానీ అశ్విన్ 2015, 2016, 2017, 2021 మొత్తం 4 సార్లు 50 టెస్ట్ వికెట్లు తీసి.. ఆ రికార్డు ను తన పేరిట నమోదుచేసుకున్నాడు.