Best Tea Gardens : ఇండియాలో టీ అంటే కేవలం ఒక అలవాటు మాత్రమే కాదు, అదొక అనుభూతి. సరికొత్త ఉదయాన్ని ఉత్సాహంగా ప్రారంభించడాని, రోజంతా కష్టపడి పని చేయడాని చాలా మంది ఎంచుకునే ఉత్తమ ఎంపిక ఒక కప్పు టీ. దేశంలోని వివిధ ప్రాంతాలలో టీ రుచులు, సువాసనలు, వాటిని తయారు చేసే పద్ధతులు వేరు వేరుగా ఉంటాయి. మీరు టీ లవర్స్ అయితే, భారతదేశంలోని ప్రసిద్ధ టీ తోటలను జీవితంలో ఒక్కసారైన తప్పకుండా చూడాలి. ఆ ప్రదేశాల్లో మీరు టీ తో పాటు అందమైన ప్రకృతి దృశ్యాలను కూడా ఆస్వాదించవచ్చు. ఈ స్టోరీలో ఇండియాలో ఉన్న ప్రసిద్ధమైన టీ తోటల గురించి తెలుసుకుందాం.
READ ALSO: NZB MURDERS: కిరాతక హత్యలు..!!
డార్జిలింగ్ (పశ్చిమ బెంగాల్)
పశ్చిమ బెంగాల్లోని డార్జిలింగ్ టీకి చాలా ఫేమస్. ఇక్కడి మృదువైన సువాసన గల టీకి ప్రపంచవ్యాప్తంగా మంచి గుర్తింపు ఉంది. ఇక్కడి కాంచన్జంగా పర్వత శ్రేణుల అందాలు, బ్రిటిష్ కాలం నాటి పాత బంగళాలు పర్యాటకులను కట్టిపడేస్తాయి. మెట్ల మాదిరిగా ఉండే టీ తోటల్లో నడుస్తూ ఆకులను కోసే కళాకారులను ఇక్కడ నేరుగా కలుసుకోవచ్చు.
అస్సాం (అస్సాం లోయ)
అస్సాం టీ గొప్ప, ఘాటైన రుచిని కలిగి ఉండి, చాలా మందికి ఇష్టమైనదిగా ఉంటుంది. ఇక్కడికి వచ్చే పర్యాటకులు విస్తారమైన టీ తోటలను అన్వేషించవచ్చు, టీ ఆకు నుంచి కప్పు వరకు టీ ఎలా రెడీ అవుతుందో అర్థం చేసుకోవడానికి ఫ్యాక్టరీలను కూడా సందర్శించవచ్చు. బ్రహ్మపుత్ర నదిపై పడవ ప్రయాణాలు, స్థానిక మార్కెట్ల సందర్శన ఈ టూర్ను మరింత మెరబుల్గా చేస్తాయి.
మున్నార్ (కేరళ)
కేరళలోని మున్నార్ పచ్చని కొండలు, తేయాకు తోటలు పర్యాటకులను ఎంతోగానో కనువిందు చేస్తాయి. ఇక్కడి తేయాకు చాలా ఘాటుగా ఉంటుంది. మీరు ఫ్యాక్టరీని సందర్శించి, తేయాకు తయారీ ప్రక్రియ మొత్తాన్ని దగ్గరగా గమనించవచ్చు. చల్లని ఉదయాలు, తేలికపాటి పొగమంచుతో కూడిన వాతావరణం ఈ ప్రదేశాన్ని మరింత ప్రశాంతంగా మారుస్తాయి. ఇక్కడ మీరు పీస్ఫుల్ టైంను గడపవచ్చు.
నీలగిరి (తమిళనాడు)
నీలగిరి పర్వతాలు టీకి ఎంతో ప్రసిద్ధి చెందాయి. ఇక్కడి నీలి కొండలు, సుందరమైన నడక మార్గాలు ఈ టూర్ను పర్యాటకులకు చిరస్మరణీయంగా మారుస్తాయి. మీరు పాత టీ తోటలను సందర్శించి, వివిధ రకాల టీలను రుచి చూడవచ్చు. ఇక్కడి చిన్న టీ మ్యూజియం, ఫ్యాక్టరీ ఈ అనుభవాన్ని మరింత ప్రత్యేకంగా మారుస్తాయి.
కాంగ్రా లోయ (హిమాచల్ ప్రదేశ్)
హిమాచల్ ప్రదేశ్లోని కాంగ్రా లోయ టీకి ఎంతో ప్రసిద్ధి చెందింది. ఇక్కడ చిన్న టీ తోటలు పర్వతాల మధ్య ఎంతో అందంగా ఉంటాయి. ఇక్కడ, మీరు సాంప్రదాయ టీ తయారీ పద్ధతులను నేర్చుకోవచ్చు, అలాగే ఎంతో ప్రశాంతమైన వాతావరణాన్ని కూడా ఆస్వాదించవచ్చు. మంచుతో కప్పబడిన పర్వతాలు, హాయిగా ఉండే గ్రామాలను సందర్శించడానికి ఇది ఒక ప్రత్యేకమైన ప్రదేశంగా చెబుతారు. మీరు టీ లవర్స్ అయితే సెలవుల్లో మీ కుటుంబంతో లేదా స్నేహితులతో కలిసి ఈ ప్రదేశాలను సందర్శించడం మర్చిపోకండి.
READ ALSO: Rahul Sipligunj: తన లవ్ మ్యారేజ్పై మనసులో మాట బయటపెట్టిన రాహుల్ సిప్లిగంజ్..
