ఇంగ్లాండ్ తో జరిగిన ఐదో టెస్ట్ మ్యాచ్ లో టీమిండియా ఫాస్ట్ బౌలర్ మొహమ్మద్ సిరాజ్ మెరుపు బౌలింగ్ తో విజృంభించి జట్టు విజయంలో కీలకపాత్ర పోషించారు. ఈ విజయంతో టీమిండియా సిరీస్ ను 2-2తో సమం చేసిన విషయం తెలిసిందే. ఇదిలా ఉంటే ఇటీవలి కాలంలో ప్రముఖ గాయని ఆశా భోంస్లే మనవరాలు జానై భోంస్లే, సిరాజ్ మధ్య డేటింగ్ గురించి పుకార్లు వచ్చాయి. ఇద్దరూ కలిసి ఓ పార్టీలో కనిపించారు. దీని తర్వాత, ప్రేమ వ్యవహారం గురించి వార్తలు ఊపందుకున్నాయి. అయితే, ఈ సంవత్సరం ప్రారంభంలో, జానై ఈ పుకార్లను ఇన్స్టాగ్రామ్లో తోసిపుచ్చింది. సిరాజ్ తనకు సోదరుడిలాంటివాడని కూడా ఆమె చెప్పింది. ఇప్పుడు రక్షాబంధన్ సందర్భంగా, ఆమె సిరాజ్కు రాఖీ కట్టి, ఆ వీడియోను సోషల్ మీడియాలో షేర్ చేసింది. దీంతో ప్రేమాయణం పుకార్లకు చెక్ పడినట్లైంది.
Also Read:Sangareddy: రోడ్డు సౌకర్యం లేక గర్భిణీ నరకయాతన.. మర్గమధ్యలోనే ప్రసవం..
ఆ వీడియోలో, జానై సిరాజ్ కు రాఖీ కడుతున్నట్లు కనిపిస్తుంది. ఇన్స్టాగ్రామ్ పోస్ట్ క్యాప్షన్లో, ఆమె “హ్యాపీ రాఖీ. దీనికంటే గొప్పది మరొకటి ఉండదు” అని రాసుకొచ్చింది. జానై అందమైన ఆకుపచ్చ సల్వార్ సూట్ ధరించి ఉంది. సిరాజ్ చాలా సంతోషంగా కనిపించాడు. జనై భోస్లే, సిరాజ్ తన 23వ పుట్టినరోజు వేడుకలో కలిసి చాట్ చేస్తున్న ఫోటో ఆన్లైన్లో వైరల్ అయిన తర్వాత డేటింగ్ పుకార్లు మొదలయ్యాయి. జనవరి 16న జరిగిన ఈ కార్యక్రమానికి జాకీ ష్రాఫ్, అభయ్ వర్మ, ఆయేషా ఖాన్, క్రికెటర్లు సుయాష్ ప్రభుదేశాయ్, సిద్దేష్ లాడ్, శ్రేయాస్ అయ్యర్ కూడా హాజరయ్యారు.
Also Read:Operation Sindoor: పాక్తో చెస్ ఆటలా సాగిన ఆపరేషన్ సిందూర్.. ఆర్మీ చీఫ్ కీలక వ్యాఖ్యలు
దీని తర్వాత, జనై భోస్లే ఇన్స్టాగ్రామ్లో సిరాజ్తో ఉన్న ఒక ఫొటోను పోస్ట్ చేసి, “నా ప్రియమైన సోదరుడు” అని రాసుకొచ్చింది. సిరాజ్ కూడా “నా సోదరి లాంటి సోదరి లేదు అని రాసుకొచ్చాడు. ఆమె లేకుండా నేను ఎక్కడా జీవించలేను. నక్షత్రాలలో చంద్రుడు ఉన్నట్లే, నా సోదరి వేల మందిలో ఒకరు.” జనై భోస్లే గురించి మాట్లాడుతూ, ఆమె తన అమ్మమ్మ ఆశా భోంస్లే లాగే గాయని అని తెలిపాడు.