Nandana Arrest: ప్రముఖ యూట్యూబర్ నందనను ఆర్జీఐఏ (RGIA) పోలీసులు అదుపులోకి తీసుకున్నారు. ఆమెపై లుక్ఔట్ నోటీసులు ఉండటంతో శంషాబాద్ అంతర్జాతీయ విమానాశ్రయంలో పోలీసులు అదుపులోకి తీసుకున్నారు. ఎయిర్పోర్టులో అదుపులోకి తీసుకున్న నందనను ఇబ్రహీంపట్నం పోలీసులకు అప్పగించారు అధికారులు. లండన్లో ఉద్యోగాలు ఇప్పిస్తామని చెప్పి నందన, ఆమె భర్త భారీగా డబ్బులు వసూలు చేసినట్లు ఆరోపణలు ఉన్నాయి.
ఈ వ్యవహారానికి సంబంధించి ఇబ్రహీంపట్నం పోలీసులు కేసు నమోదు చేసి దర్యాప్తు చేస్తున్నారు. తాజాగా లుక్ఔట్ నోటీసుల నేపథ్యంలో ఆమె ఎయిర్పోర్టుకు చేరుకోగానే ఆర్జీఐఏ పోలీసులు అదుపులోకి తీసుకున్నారు. ఈ ఘటనకు సంబంధించిన మరిన్ని వివరాలు తెలియాల్సి ఉంది.