Auto Rickshaw: ఈ ఆటో రిక్షా ముందు లగ్జరీ కారు కూడా తక్కువే.. లోపల ఉన్న సౌకర్యాలు తెలిస్తే ఆశ్చర్యపోతారంతే
- ఈ ఆటో రిక్షా ముందు లగ్జరీ కారు కూడా తక్కువే
- లోపల ఉన్న సౌకర్యాలు తెలిస్తే ఆశ్చర్యపోతారంతే
- Follow Us :
-
-
Add as a preferred
source on google
చిన్న ఆలోచన సరికొత్త ఆవిష్కరణకు నాంది పలుకుతుంది. ఇదే విధంగా ఓ వ్యక్తి అందరికంటే భిన్నంగా ఆలోచించి ఓ ప్యాసింజర్ ఆటోను లగ్జరీ కారును తలదన్నేలా రూపుదిద్దాడు. ఇందులో AC, పవర్ విండోస్, కన్వర్టిబుల్ సీట్లు వంటి ఫీచర్లు ఉన్నాయి. దీనికి సంబంధించిన వీడియో నెట్టింటా వైరల్ గా మారింది. వైరల్ అవుతున్న ఆటో రిక్షా వీడియో గురించి మరింత తెలుసుకుందాం. సోషల్ మీడియాలో వేగంగా వైరల్ అవుతున్న ఈ వీడియో మహారాష్ట్రలోని అమరావతి జిల్లాలోని బద్నేరా ప్రాంతానికి చెందినదని చెబుతున్నారు. అందులో, ఒక వ్యక్తి తన సాధారణ ఆటో రిక్షాను పూర్తిగా లగ్జరీ వాహనంగా మార్చాడు.
ఇది ప్రీమియం కారులో కనిపించే ఫీచర్లతో ఏర్పాటు చేశాడు. ఈ వీడియోలో ఆటో రిక్షా ఇకపై కేవలం మూడు చక్రాల వాహనం కాదని, నాలుగు డోర్స్ కలిగిన మినీ లగ్జరీ కారు అని చూపిస్తుంది. డ్రైవర్ AC, పవర్ విండోస్, కన్వర్టిబుల్ సీట్లు వంటి ఫీచర్లను ఏర్పాటు చేశాడు. ఇంకా చెప్పాలంటే, వెనుక సీటును బెడ్ లాగా మార్చుకోవచ్చు. ఇది సుదూర ప్రయాణాలకు చాలా సౌకర్యంగా ఉంటుంది. ఈ ఆటో రిక్షాలో వెనుక బూట్ స్థలం కూడా ఉంది, దీని వలన ప్రయాణీకులు తమ లగేజీని సులభంగా నిల్వ చేసుకోవచ్చు.
Also Read:IND vs AUS: మొన్న గిల్, నిన్న జితేష్.. ఇక సంజు శాంసన్ పనైపోయినట్లేనా?
మోడిఫైడ్ ఆటో రిక్షా వీడియో సోషల్ మీడియాలో వైరల్ అయిన వెంటనే, ప్రజలు డ్రైవర్ కృషిని, సృజనాత్మక ఆలోచనను ప్రశంసించారు. ఒక నెటిజన్ ఇది భారతీయ ఆవిష్కరణలకు ఉత్తమ ఉదాహరణ అని రాసుకొచ్చారు. మరొక యూజర్ ఎలోన్ మస్క్‌ను ట్యాగ్ చేసి ఎలోన్ మస్క్, దయచేసి దీన్ని తనిఖీ చేయండి అని రాశారు. కొంతమంది ఈ ఆటో రిక్షాను థార్ వంటి ఖరీదైన SUV లతో పోల్చారు, అయితే చాలా మంది దాని డిజైన్, స్థలాన్ని ప్రశంసించారు. ఇంత అద్భుతమైన మోడిఫికేషన్ చేయడానికి ఎంత ఖర్చయ్యిందో అని కూడా కొంతమంది ఆరా తీస్తున్నారు.