Toxic : కోలీవుడ్‌లో యష్ ‘టాక్సిక్’ ప్రభంజనం.. ఆల్ టైమ్ రికార్డ్ ధరకు తమిళ్ థియేట్రికల్ రైట్స్

రాకింగ్ స్టార్ యష్ నటించిన ‘KGF’ సిరీస్ తమిళనాడులో ఎంతటి సంచలనం సృష్టించిందో అందరికీ తెలిసిందే. ఇప్పుడు అదే మ్యాజిక్‌ను రిపీట్ చేసేందుకు ‘టాక్సిక్’ సినిమా సిద్ధమవుతోంది. గీతూ మోహన్ దాస్ దర్శకత్వంలో తెరకెక్కుతున్న ఈ సినిమా తమిళనాడు థియేట్రికల్ హక్కులు కళ్ళు చెదిరే ధరకు అమ్ముడయ్యాయి. ఈ డీల్‌తో కన్నడ చిత్ర పరిశ్రమ  ) చరిత్రలోనే తమిళ మార్కెట్‌లో అత్యధిక బిజినెస్ చేసిన చిత్రంగా ‘టాక్సిక్’ సరికొత్త రికార్డును నెలకొల్పింది.

Also Read : Theater vs OTT : ఓటీటీ 8 వారాల నిబంధన అమలు సాధ్యమేనా? బాలీవుడ్ రూల్ ఇక్కడ వర్తిస్తుందా?

సమాచారం ప్రకారం, తమిళనాడు డిస్ట్రిబ్యూషన్ హక్కులు దాదాపు రూ. 63 కోట్లకు లాక్ అయ్యాయి. ఈ భారీ చిత్రాన్ని తమిళనాడులో అత్యంత భారీగా విడుదల చేసేందుకు పలువురు ప్రముఖ పంపిణీదారులు చేతులు కలిపారు. చెన్నై సిటీ : థింక్ స్టూడియోస్, చెంగల్పేట్ : ట్రైడెంట్ ఆర్ట్స్ ద్వారా వైట్ నైట్స్, కోయంబత్తూర్ : నార్త్ & సౌత్ ఆర్కాట్, తిరునెల్వేలి, కన్యాకుమారి: ఎస్ పిక్చర్స్, మధురై & రామనాడ్, త్రిచి & తంజావూరు, సేలం: 5 స్టార్ కె. సెంథిల్ కొనుగోలు చేశారు. తమిళనాడులోని అన్ని ప్రధాన నగరాలు మరియు గ్రామీణ ప్రాంతాల్లో కూడా ఈ సినిమాను గ్రాండ్‌గా రిలీజ్ చేసేందుకు ఈ పంపిణీదారులు భారీ ప్లాన్ సిద్ధం చేశారు. యష్‌కి ఉన్న మాస్ ఇమేజ్ మరియు కన్నడ సినిమాలపై కోలీవుడ్ ప్రేక్షకుల్లో ఉన్న ఆసక్తిని దృష్టిలో ఉంచుకుని ఈ భారీ మొత్తానికి హక్కులు కొనుగోలు చేసినట్లు తెలుస్తోంది. మార్చి 19, 2026న విడుదల కానున్న ఈ సినిమాపై ఇప్పటికే భారీ అంచనాలు నెలకొన్నాయి.