Woman Stole Necklace : వామ్మో.. ఎంత స్మార్ట్‎గా రూ.10లక్షల నగను దొంగిలించిందో

Woman Stole Necklace : నగల దుకాణంలో ఓ మహిళ 10 లక్షల రూపాయల విలువైన నెక్లెస్‌ను దొంగిలించిన వీడియో ఇంటర్నెట్‌లో ఇటీవల వైరల్ అవుతోంది. కస్టమర్ లా నగల దుకాణానికి వెళ్లిన ఓ మహిళ చూపించిన చేతివాటం ఆ షాపులోని సీసీటీవీ కెమెరాలో రికార్డైంది. షాపు సిబ్బందిని, నగలు కొనడానికి వచ్చిన ఇతర కస్టమర్ల కళ్లుగప్పి విలువైన నగతో ఉడాయించింది. ఇప్పుడు ఈ వీడియో నెటిజన్లను షాక్‌కు గురిచేస్తోంది. ఈ ఘటన మొత్తం సీసీటీవీలో రికార్డయింది. నవంబర్ 17 న బల్దేవ్ ప్లాజాలోని బెచు లాల్ సరాఫా ప్రైవేట్ లిమిటెడ్ జ్యువెలరీ షాపులో ఈ సంఘటన జరిగింది. సీసీటీవీ ఫుటేజీలో, మహిళ షాపులోని నెక్లెస్ సెట్లను చూస్తూ తన చీరలో నెక్లెస్ను దాచిపెట్టింది. దుకాణం యజమానులు సీసీటీవీ ఫుటేజీని పరిశీలించి ఓ నెక్లెస్‌ కనిపించకపోవడంతో ఈ ఘటన వెలుగులోకి వచ్చింది. దొంగిలించిన నగ విలువ సుమారు పది లక్షల దాకా ఉంటుందని షాపు యజమాని మీడియాకు తెలిపారు. సదరు మహిళా దొంగపై పోలీసులకు ఫిర్యాదు చేశారు.