ప్రముఖ స్మార్ట్ ఫోన్ కంపెనీ వివో కొత్త మొబైల్ ను మార్కెట్ లోకి రిలీజ్ చేసింది. Vivo Y400 5G పేరుతో తన కొత్త స్మార్ట్ఫోన్ను భారత్ లో విడుదల చేసింది. ఇది మిడ్-రేంజ్ స్మార్ట్ఫోన్. ప్రీమియం ఫీచర్లను కలిగి ఉంది. Vivo Y400 5Gలో 6,000mAh బ్యాటరీ. అద్భుతమైన కలర్ ఆప్షన్లు ఉన్నాయి. భారత్ లో Vivo Y400 5G ప్రారంభ ధర రూ.21,999. ఇది 8GB RAM + 128GB స్టోరేజ్తో వస్తుంది. 8GB RAM + 256GB స్టోరేజ్ వేరియంట్ కోసం రూ.23,999 ఖర్చు చేయాల్సి ఉంటుంది.
Also Read:KCR : కొంతమంది బీఆర్ఎస్ నేతలను అరెస్ట్ చేయొచ్చు.. భయపడొద్దు
వివో వై400 5జి గ్లామ్ వైట్, ఆలివ్ గ్రీన్ అనే రెండు కలర్ వేరియంట్లలో వస్తుంది. దీని మొదటి సేల్ ఆగస్టు 7 నుంచి ప్రారంభమవుతుంది. ఇది వివో ఇండియా ఇ-స్టోర్, ఫ్లిప్కార్ట్, అమెజాన్, ఎంపిక చేసిన రిటైల్ స్టోర్లలో అందుబాటులో ఉంటుంది. ప్రీ-బుకింగ్ చేసుకునే వినియోగదారులకు ఎంపిక చేసిన బ్యాంక్ కార్డులపై 10 శాతం వరకు తగ్గింపు లభిస్తుంది.
Also Read:KCR : కొంతమంది బీఆర్ఎస్ నేతలను అరెస్ట్ చేయొచ్చు.. భయపడొద్దు
Vivo Y400 5G స్పెసిఫికేషన్లు
Vivo Y400 5G 6.67-అంగుళాల పూర్తి-HD+ AMOLED డిస్ప్లేను కలిగి ఉంది. ఇది 120Hz రిఫ్రెష్ రేట్, 1800 Nits పీక్ బ్రైట్నెస్ కలిగి ఉంటుంది. వివో నుంచి వచ్చిన ఈ తాజా హ్యాండ్సెట్ స్నాప్డ్రాగన్ 4 జెన్ 2 చిప్సెట్తో వస్తుంది. ఇది 8GB LPDDR4X RAM, 256GB UFS 3.1 స్టోరేజ్ను కలిగి ఉంటుంది. Vivo Y400 5G కెమెరా విషయానికి వస్తే.. వెనుక ప్యానెల్లో డ్యూయల్ రియర్ కెమెరా సెటప్ ఉంది. దీనికి 50-మెగాపిక్సెల్ సోనీ IMX852 ప్రైమరీ కెమెరా సెన్సార్ ఉంది. సెకండరీ కెమెరాకు 2-మెగాపిక్సెల్ డెప్త్ సెన్సార్ ఉంది. దీనికి 32MP ఫ్రంట్ కెమెరా ఉంది.
Also Read:AI Impact: షాకింగ్ రిపోర్ట్.. ఆ దెబ్బతో 2030 నాటికి లక్షల ఉద్యోగాలు గల్లంతు!
ఫోటోగ్రఫీ, వీడియోగ్రఫీ కోసం ప్రత్యేక AI మోడ్లు ఉపయోగించారు. Vivo Y400 5G 6,000mAh బ్యాటరీని కలిగి ఉంది. 90W వైర్ ఛార్జింగ్ సపోర్ట్ చేస్తుంది. దీనికి ఇన్-డిస్ప్లే ఫింగర్ ప్రింట్ స్కానర్ ఉంది. ఇది బయోమెట్రిక్ అథెంటికేషన్ తో వస్తుంది. ఈ స్మార్ట్ఫోన్ IP68 + IP69 రేటింగ్ను పొందింది. ఇది వాటర్, డస్ట్ నుంచి ప్రొటెక్ట్ చేస్తుంది.