Gravity Nuclear Bombs: ఇరాన్ నామరూపాలు లేకుండా చేసేందుకు అమెరికా మాస్టర్ ప్లాన్ ఇదే!

Gravity Nuclear Bombs: మధ్యప్రాచ్యంలో యుద్ధ మేఘాలు మరింతగా ముసురుకున్నాయి. అమెరికా రక్షణ శాఖ (పెంటగాన్) అధిపతి పీట్ హెగ్సెత్ తాజాగా చేసిన ప్రకటన ఇరాన్ విషయంలో అమెరికా ఎంత కఠినంగా ఉందో స్పష్టం చేస్తోంది. ఇరాన్‌పై గెలుపు దిశగా అమెరికా అడుగులు వేస్తోందని, త్వరలోనే శత్రువుల ఉనికి ప్రశ్నార్థకం కానుందని ఆయన ధీమా వ్యక్తం చేశారు. అమెరికా – ఇజ్రాయెల్ దళాలు వచ్చే వారం రోజుల్లోపే ఇరాన్ గగనతలంపై పూర్తి నియంత్రణ సాధించబోతున్నాయని హెగ్సెత్ వెల్లడించారు.

ఇప్పటికే బలహీనపడిన ఇరాన్ దళాలపై అమెరికా తన అదనపు బలగాలను ప్రయోగిస్తోంది. ప్రస్తుతం జరుగుతున్న దాడులు కేవలం ప్రారంభ దశ మాత్రమేనని, రానున్న రోజుల్లో మరిన్ని భారీ దాడులు జరగనున్నాయని విశ్లేషకులు అభిప్రాయపడుతున్నారు. ఈ మిషన్ కోసం అమెరికా తన వద్ద ఉన్న ‘అన్‌లిమిటెడ్ ప్రెసిషన్ గ్రావిటీ బాంబుల’ను వినియోగించేందుకు సిద్ధమైంది. ఇంతకీ ఈ బాంబుల ప్రత్యేకతలు ఏంటో తెలుసుకుందాం.

అసలు ఏమిటీ ‘గ్రావిటీ బాంబులు’ ?
గ్రావిటీ న్యూక్లియర్ బాంబులు ప్రపంచంలోనే అత్యంత శక్తివంతమైన, ప్రమాదకరమైన ఆయుధాలని రక్షణ వర్గాలు పేర్కొన్నాయి. వీటిని ‘ఫ్రీ-ఫాల్ న్యూక్లియర్ బాంబులు’ అని కూడా పిలుస్తారని చెబుతున్నారు. మిసైళ్లలా కాకుండా, వీటిని యుద్ధ విమానాల నుంచి కిందకు వదులుతారు. ఇవి కేవలం గ్రావిటీ, విమానం వేగంపై ఆధారపడి లక్ష్యం వైపు దూసుకెళ్తాయి. అణు యుగం స్టార్టింగ్‌లో పుట్టిన ఈ ఆయుధాలు, నేడు అధునాతన థర్మోన్యూక్లియర్ డివైజ్‌లుగా పరిణామం చెందాయి. ఇవి అన్‌గైడెడ్ (మామూలు) వెర్షన్లతో మొదలై ఇప్పుడు అత్యంత కచ్చితత్వంతో కూడిన ఆయుధాలుగా మారాయి.

ఎలా పని చేస్తాయంటే..
ఈ బాంబుల విధ్వంసక శక్తి వెనుక అద్భుతమైన విజ్ఞాన శాస్త్రం దాగి ఉందని విశ్లేషకులు చెబుతున్నారు. ఇవి ప్రధానంగా రెండు ప్రక్రియల ద్వారా పనిచేస్తాయని రక్షణ వర్గాలు వెల్లడించాయి.

1. ఫిషన్ & ఫ్యూజన్
చాలా వరకు గ్రావిటీ బాంబులు థర్మోన్యూక్లియర్ రకానికి చెందినవి. ఇవి శక్తిని విడుదల చేయడానికి రెండు దశలను ఉపయోగిస్తాయి.

ఫిషన్: యురేనియం-235 లేదా ప్లూటోనియం-239 వంటి పరమాణువులను విడగొట్టడం ద్వారా అపారమైన ఉష్ణోగ్రత, పీడనం విడుదల అవుతుంది.

ఫ్యూజన్: ఫిషన్ ద్వారా వచ్చిన వేడిని ఉపయోగించి హైడ్రోజన్ ఐసోటోపులను (డ్యూటీరియం, ట్రిటియం) కలిపి మరింత భారీ ఎనర్జీని రిలీజ్ చేస్తారు. ఇది సాధారణ అణు బాంబు కంటే కొన్ని వందల రెట్లు శక్తివంతమైనది.

2. ‘డయల్-ఏ-యీల్డ్’ టెక్నాలజీ
ఆధునిక గ్రావిటీ బాంబుల్లో ఉన్న మరో విశేషం ఏమిటంటే, వాటి విధ్వంసక తీవ్రతను అవసరానికి తగ్గట్టుగా మార్చుకోవచ్చు. దీనినే ‘డయల్-ఏ-యీల్డ్’ అంటారు. అంటే యుద్ధ అవసరాలను బట్టి తక్కువ డ్యామేజీ లేదా భారీ విధ్వంసం కలిగించేలా వీటిని సెట్ చేయవచ్చు.

అమెరికా తన అత్యంత శక్తివంతమైన ఆయుధాన్ని రంగంలోకి దించడం ద్వారా ఇరాన్ విషయంలో వెనక్కి తగ్గేది లేదని స్పష్టం చేసింది. రాబోయే కొద్ది రోజులు మధ్యప్రాచ్య రాజకీయాల్లో, యుద్ధ స్థితిగతుల్లో అత్యంత కీలకం కానున్నాయని విశ్లేషకులు అభిప్రాయపడుతున్నారు.