యూనియన్ పబ్లిక్ సర్వీస్ కమిషన్ (UPSC) కంబైన్డ్ డిఫెన్స్ సర్వీసెస్ (CDS 2) తుది ఫలితాలను ఈరోజు, మార్చి 30న ప్రకటించింది. కంబైన్డ్ డిఫెన్స్ సర్వీసెస్ పరీక్షలకు హాజరైన అభ్యర్థులు upsc.gov.in అధికారిక వెబ్సైట్ ద్వారా తమ ఫలితాలను చూసుకొని డౌన్లోడ్ చేసుకోవచ్చు. ఈసారి ఇండియన్ మిలిటరీ అకాడమీ (IMA), ఇండియన్ నేవల్ అకాడమీ (INA), ఎయిర్ ఫోర్స్ అకాడమీలతో సహా వివిధ రక్షణ అకాడమీలకు మొత్తం 302 మంది అభ్యర్థులు ఎంపికయ్యారు. ఐఎంఏ మెరిట్ జాబితాలో సమర్ ఇస్లాం లస్కర్ అగ్రస్థానంలో నిలిచారు. వీరిలో 190 మంది అభ్యర్థులు IMAకు, 85 మంది INAకు, 27 మంది ఎయిర్ ఫోర్స్ అకాడమీకి అర్హత సాధించారు. హైదరాబాద్లోని ఎయిర్ ఫోర్స్ అకాడమీకి 32 మంది ఎంపికయ్యారు. ఫలితాల కోసం ఇక్కడ క్లిక్ చేయండి.
అధికారిక ఫలితాల పిడిఎఫ్ ప్రకారం, UPSC మొత్తం 453 ఖాళీలను ప్రకటించగా, వాటిలో 302 మంది అభ్యర్థులు పరీక్షలో అర్హత సాధించారు. UPSC CDS 2 ఫలితాల పిడిఎఫ్లో భారత సాయుధ దళాల మూడు విభాగాలైన ఇండియన్ మిలిటరీ అకాడమీ (IMA), ఇండియన్ నేవీ అకాడమీ (INA), ఎయిర్ ఫోర్స్ అకాడమీ (AFA), ఆఫీసర్స్ ట్రైనింగ్ అకాడమీ (OTA)లకు ఎంపికైన అభ్యర్థుల పేర్లు, రోల్ నంబర్లు ఉన్నాయి.
