HAROMHARA :టాలీవుడ్ హీరో సుధీర్ బాబు గత కొన్నేళ్లుగా సాలిడ్ హిట్ కోసం ఎంతగానో ఎదురు చూస్తున్నాడు. సుధీర్ బాబు సినీ కెరీర్ లో “ప్రేమకథా చిత్రం” మినహా మరో హిట్ సినిమా లేదు.ఆ సినిమా తరువాత సుధీర్ బాబు చేసిన ఏ సినిమా కూడా ప్రేక్షకులను అంతగా ఆకట్టుకోలేదు.అయిన కూడా సుధీర్ బాబు ప్రతిసారి సరికొత్త కథాంశంతో ప్రేక్షకుల ముందుకు వస్తున్నాడు.తాజాగా సుధీర్ బాబు నటిస్తున్న లేటెస్ట్ మూవీ “హరోంహర”.జ్ఞాన సాగర్ తెరకెక్కిస్తున్న ఈ సినిమాలో మాళవిక శర్మ హీరోయిన్ గా నటిస్తుంది.ఈ సినిమాలో సుధీర్ బాబు సుబ్రహ్మణ్యం అనే పాత్రలో నటిస్తున్నాడు. సునీల్ ముఖ్య పాత్ర పోషిస్తున్నాడు.
Read Also :Viswak Sen : మోక్షజ్ఞ వారి వద్ద శిక్షణ తీసుకుంటున్నాడు..
ఈ సినిమా 1989 బ్యాక్ డ్రాప్ పీరియాడిక్ స్టోరీతో తెరకెక్కుతుంది.ఈ సినిమాను సుమంత్ జి .నాయుడు నిర్మిస్తున్నారు.ఈ సినిమాకు చైతన్ భరద్వాజ్ మ్యూజిక్ అందిస్తున్నారు.ఈ సినిమాను ముందుగా మే 31 న రిలీజ్ చేసేందుకు ప్లాన్ చేయగా ఆ రోజు వరుస సినిమాల రిలీజ్ ఉండటంతో ఈ సినిమాను జూన్ 14 కు వాయిదా వేశారు.ప్రస్తుతం హరోంహర చిత్ర యూనిట్ వరుసగా ప్రమోషన్స్ నిర్వహిస్తుంది.తాజాగా సూపర్ స్టార్ కృష్ణ జయంతి సందర్భంగా ఈ చిత్ర ట్రైలర్ ను మేకర్స్ రిలీజ్ చేశారు.హై వోల్టేజ్ యాక్షన్ సీన్స్ వున్న ఈ చిత్రం ట్రైలర్ గూస్ బంప్స్ తెప్పిస్తుంది.సుధీర్ బాబు ఈ సారి కచ్చితంగా సాలిడ్ హిట్ కొడతాడని ఈ ట్రైలర్ చూసిన నెటిజన్స్ కామెంట్స్ చేస్తున్నారు.
