The Paradise: ప్యారడైజ్ రిలీజ్ డేట్ మారుతోందా?

The Paradise: ఒక పాట ప్రోమోతో ఇండస్ట్రీ చూపును తన వైపుకు తిప్పుకున్న సినిమా ది ప్యారడైజ్. ఆ పాట ఆయా షేర్. ప్రోమోతోనే సంచలనం సృష్టించిన ఈ పాట రిలీజ్ అయిన తర్వాత నయా రికార్డ్‌లతో యూట్యూబ్‌ను షేక్ చేస్తున్న విషయం తెలిసిందే. దసరా వంటి బ్లాక్ బస్టర్ హిట్ తర్వాత నాచురల్ స్టార్ నాని హీరోగా డైరెక్టర్ శ్రీకాంత్ ఓదెల దర్శకత్వంలో తెరకెక్కుతున్న సినిమా ‘ది ప్యారడైజ్’. ప్రస్తుతం ఈ సినిమాపై ప్రేక్షకుల్లో అంచనాలు ఆకాశాన్ని తాకుతున్నాయి. తాజాగా ఈ సినిమా గురించి ఒక వార్త సోషల్ మీడియాలో తెగ వైరల్ అవుతుంది. ఇంతకీ ఆ వార్త ఏంటంటే.. ఈ క్రేజీ సినిమా మరో మారు పోస్ట్‌పోన్ అయ్యే అవకాశం ఉందని ప్రస్తుతం జోరుగా ప్రచారం జరుగుతుంది.

READ ALSO: Jubilant Food Works: బ్రెడ్ ముక్కతో వేల కోట్ల సామ్రాజ్యం.. ఏడాదికి రూ. 6900 కోట్ల లాభం! సక్సెస్ సీక్రెట్ ఇదే!

అయితే ఇప్పటి వరకు ఉన్న సమాచారం ప్రకారం.. ఈ సినిమా అనుకున్న ప్రకారమే ఆగస్టు 21కి ప్రేక్షకుల ముందుకు రావడం పక్కా అని టాక్. డైరెక్టర్ శ్రీకాంత్ ఓదెల అండ్ టీమ్ ఈ సినిమాను అనుకున్న డేట్‌కే ప్రేక్షకుల ముందుకు తీసుకురావాలని గట్టిగా ప్లాన్ చేస్తున్నారని సమాచారం. సోషల్ మీడియా వేదికగా ప్యారడైజ్ సినిమా రిలీజ్ డేట్ పోస్ట్ పోన్ అయ్యిందని జరుగుతున్న ప్రచారంలో నిజం లేదని చెబుతున్నారు. అయితే ఈ ప్రచారాలపై చిత్ర బృందం ఇప్పటి వరకు ఎలాంటి అధికారిక ప్రకటన విడుదల చేయలేదు. నిజానికి ఈ సినిమా మార్చి 26న రిలీజ్ కావాల్సి ఉండగా, దానినే ఆగస్టు 21కి వాయిదా వేసిన విషయం తెలిసిందే. ఈ చిత్రానికి సెన్సేషనల్ మ్యూజిక్ డైరెక్టర్ అనిరుధ్ రవిచందర్ స్వరాలు అందిస్తున్నారు. నిర్మాత సుధాకర్ చెరుకూరి అత్యంత ప్రతిష్టాకంగా నిర్మిస్తున్న ఈ చిత్రం ఎనిమిది భాషల్లో విడుదల కానుంది. ప్రస్తుతం ఈ సినిమా శరవేగంగా షూటింగ్ జరుపుకుంటుంది. ఈ చిత్రంలో నాచురల్ స్టార్ సరసన కయాదు లోహర్ హీరోయిన్‌గా కనువిందు చేయనుండగా, కలెక్షన్ కింగ్ మోహన్ బాబు పవర్‌ఫుల్ విలన్ పాత్రలో కనిపిస్తుండటం విశేషం.

READ ALSO: Manipur Violence: మణిపూర్‌లో యుద్ధ వాతావరణం.. పలు జిల్లాల్లో కర్ఫ్యూ.. ఇంటర్నెట్ బంద్!