Salaar 2 : సలార్ 2 షూటింగ్ పై రాని క్లారిటీ.. ఇప్పట్లో లేనట్లేనా..?
Salaar 2 : పాన్ ఇండియా స్టార్ ప్రభాస్ గత ఏడాది డిసెంబర్ లో “సలార్” సినిమాతో ప్రేక్షకుల ముందుకు వచ్చాడు.స్టార్ డైరెక్టర్ ప్రశాంత్ నీల్ తెరకెక్కించిన ఈ సినిమా భారీ విజయం సాధించింది.ఈ సినిమా ప్రపంచ వ్యాప్తంగా భారీగా కలెక్షన్స్ కూడా రాబట్టింది.అయితే ప్రస్తుతం ప్రభాస్ ఫ్యాన్స్ అంతా సలార్ 2 కోసం ఎంతగానో ఎదురు చూస్తున్నారు. కానీ దర్శకుడు ప్రశాంత్ నీల్ ఈ సినిమా గురించి ఇంకా క్లారిటీ ఇవ్వలేదు.అస్సలు ఈ సినిమా షూటింగ్ ఎప్పుడు మొదలవుతుందని ప్రభాస్ ఫ్యాన్స్ ఎంతో ఆసక్తిగా ఎదురు చూస్తున్నారు.
ప్రస్తుతం ప్రభాస్ “కల్కి”మూవీ షూటింగ్ లో బిజీ గా వున్నాడు.ఈ సినిమాను మేకర్స్ ప్రపంచ వ్యాప్తంగా జూన్ 27 న ఎంతో గ్రాండ్ గా రిలీజ్ చేయనున్నారు.దీనితో అభిమానులు అంతా కూడా ప్రభాస్ కల్కి మూవీ తరువాత సలార్ 2 షూటింగ్ లో పాల్గొననున్నాడని అనుకున్నారు.కానీ తాజాగా నేడు ఎన్టీఆర్ బర్త్ డే సందర్భంగా ప్రశాంత్ నీల్ , ఎన్టీఆర్ సినిమా షూటింగ్ ఆగస్టు నుంచి ప్రారంభం అవుతుందని స్పెషల్ అప్డేట్ వచ్చింది..ఈ అప్డేట్ చూసాక ప్రభాస్ అభిమానులు నిరాశకు గురయ్యారు.ఆగస్టు లో ఎన్టీఆర్ మూవీ షూటింగ్ ఉంటే సలార్ 2 షూటింగ్ ఎప్పుడు జరుగుతుంది అని వారు చర్చించుకుంటున్నారు.