Lal Salaam : తలైవా నటించిన లాల్ సలాం మూవీ సంక్రాంతికి రానట్టేనా..?
సూపర్ స్టార్ రజనీకాంత్ ఈ ఏడాది విడుదల అయిన జైలర్ మూవీ తో భారీ బ్లాక్ బస్టర్ హిట్ అందుకున్నాడు. జైలర్ మూవీ రజనీకాంత్ కెరీర్ లోనే బిగ్గెస్ట్ కలెక్షన్స్ సాధించింది. ప్రస్తుతం ‘సూపర్ స్టార్’ రజనీకాంత్ వరుస సినిమాలతో ఫుల్ బిజీగా ఉన్నారు.ప్రస్తుతం వరుస సినిమాలను లైనప్ చేసిన సూపర్ స్టార్ ఆయా సినిమాల షూటింగ్స్ తో బిజీగా ఉన్నారు.ఇక ఇప్పుడు ‘లాల్ సలామ్’ విడుదల కోసం అభిమానులు ఎంతో ఆసక్తిగా ఎదురుచూస్తున్నారు. జైలర్ మూవీతో సూపర్ స్టార్ సాలిడ్ కమ్ బ్యాక్ ఇచ్చిన తలైవా.’ లాల్ సలామ్ ‘ అనే మూవీలో కీలక పాత్ర పోషించారు. ఈ సినిమాకు రజనీకాంత్ కుమార్తె ఐశ్వర్య రజనీకాంత్ దర్శకత్వం వహించారు.ఈ సినిమాను 2024 సంక్రాంతికి విడుదల చేయనున్నట్లు ఇప్పటికే మేకర్స్ అనౌన్స్ చేశారు. కానీ ఇప్పుడు ఈ సినిమా విడుదల వాయిదా పడనున్నట్లు తెలుస్తోంది… ఈ సినిమాలో రజనీ డిఫరెంట్ గెటప్లో కనిపించనున్నారు.
తాజాగా తలైవా పుట్టినరోజు సందర్భంగా కొత్త టీజర్ను విడుదల చేశారు. వీలైనంత త్వరగా ఈ చిత్రాన్ని చూడాలని రజనీ అభిమానులు కోరుకుంటున్నారు. అయితే ఇప్పుడు లాల్ సలాం రిలీజ్ డేట్ వాయిదా పడుతుందనే గాసిప్ మొదలైంది.2024 సంక్రాంతి పండుగకి ‘లాల్ సలామ్’ చిత్రాన్ని విడుదల చేయాలని అభిమానులు కోరుకుంటున్నారు. కానీ పండగ సందర్భంగా స్టార్ హీరోల సినిమాలు చాలా రిలీజ్ కానున్నాయి. అదే సమయంలో ‘లాల్ సలామ్’ కూడా విడుదలైతే ఆశించిన స్థాయిలో కలెక్షన్స్ రావని భావించిన మేకర్స్. ఆ కారణంగానే ‘లాల్ సలామ్’ విడుదల తేదీ వాయిదా వేసే అవకాశం ఉందని అంటున్నారు.అయితే ‘లాల్ సలామ్’ విడుదల తేదీ వాయిదాపై అధికారిక సమాచారం ఇంకా చిత్ర బృందం నుండి బయటకు రాలేదు. ఈ చిత్రాన్ని ప్రతిష్టాత్మక ‘లైకా ప్రొడక్షన్స్’ నిర్మిస్తోంది. అదే నిర్మాణ సంస్థలో రజనీకాంత్ 170 వ చిత్రం ‘వెట్టయాన్’ మూవీ తెరకెక్కుతుంది.. ఈ చిత్రానికి టి.జె. జ్ఞానవేల్ దర్శకత్వం వహిస్తున్నారు.