Usha Uthup Husband: ప్రముఖ గాయని ఉషా ఉతుప్‌ భర్త కన్నుమూత.. టీవీ చూస్తూ..!

Singer Usha Uthup Husband Passed Away: ప్రముఖ గాయని ఉషా ఉతుప్‌ ఇంట తీవ్ర విషాదం నెలకొంది. ఆమె భర్త జాని చాకో ఉతుప్‌ (78) గుండెపోటుతో మరణించారు. సోమవారం రాత్రి కోల్‌కతాలోని నివాసంలో టీవీ చూస్తున్నప్పుడు.. చాకో ఉతుప్‌కు గుండెపోటు వచ్చింది. ఆయనను హుటాహుటిన ఆసుపత్రికి తరలించగా.. అప్పటికే మృతి చెందినట్లు డాక్టర్లు ధ్రువీకరించారు. ఈరోజు ఆయన అంత్యక్రియలు జరగనున్నాయి. చాకో, ఉషా దంపతులకు కుమారుడు సన్నీ, కుమార్తె అంజలి ఉన్నారు.

Also Read: BCCI Prize Money: 2024లో రూ.125 కోట్ల నజరానా.. 1983లో బీసీసీఐ ఎంత ఇచ్చిందో తెలుసా? అస్సలు ఊహించలేరు

ఉషా ఉతుప్‌ గురించి ప్రత్యేకంగా పరిచయం అక్కర్లేదు. ఎలాంటి పాటనైనా తన స్టైల్‌లో పాడి అలరిస్తారు. సంగీత ప్రపంచంలో ఉషా తనకంటూ ప్రత్యేక స్థానాన్ని ఏర్పరుచుకున్నారు. ఇప్పటివరకు 15 భారతీయ భాషలతో పాటు విదేశీ భాషల్లోనూ పాటలు పాడారు. సంగీత రంగానికి చేసిన సేవలకు గాను ఉషా ఉతుప్‌ను భారత ప్రభుత్వం పద్మభూషణ్‌ అవార్డుతో సత్కరించింది. 1971లో ఉషా కెరీర్ ఆరంభమైంది. ఉషా ఉతుప్‌ తెలుగులోనూ పాటలు పాడారు. రేసుగుర్రం టైటిల్ సాంగ్‌ను ఆమె పాడారు.