Sampradayini Suppini Suddapusani: ఓటీటీ రిలీజ్కు రెడీ అవుతున్న బిగ్ బాస్ శివాజీ కొత్త సినిమా! స్ట్రీమింగ్ ఎప్పుడంటే..
- Follow Us :
-
-
Add as a preferred
source on google
Sampradayini Suppini Suddapusani: వైవిధ్యభరితమైన టైటిల్తో ప్రేక్షకుల్లో ఆసక్తిని రేకెత్తించిన సినిమా.. ‘సంప్రదాయిని సుప్పిణి సుద్దపూసని’ (SSS). ఈ చిత్రం ఇప్పుడు ఓటీటీ సందడికి రెడీ అవుతుంది. అయితే ఈ మూవీ ఓటీటీ రిలీజ్ విషయంలో ఒక ఆసక్తికరమైన ట్విస్ట్ చోటుచేసుకుంది. నిజానికి ఈ చిత్రం ఫిబ్రవరి 12న డైరెక్ట్గా ETV Winలో రిలీజ్ కావాల్సి ఉంది. కానీ మేకర్స్ మనసు మార్చుకుని మార్చి 6న ఈ మూవీని వెండి తెరపైకి తీసుకొచ్చారు. థియేటర్లలో ఆశించిన స్థాయిలో మెప్పించలేకపోయిన ఈ సినిమా, ఇప్పుడు మళ్లీ ఓటీటీ బాట పట్టింది. అయితే ఇక్కడే అసలైన ట్విస్ట్ చోటుచేసుకుంది. ఫస్ట్ అనుకున్నట్టుగా కాకుండా, ఈ మూవీ నెట్ఫ్లిక్స్ వేదికగా ఏప్రిల్ 3న గ్రాండ్గా ప్రీమియర్ కానుంది.
ఈ చిత్రంలో శివాజీ, లయ, మాస్టర్ రోహన్, ప్రిన్స్ సిసిల్, ధనరాజ్ ప్రధాన పాత్రల్లో నటించారు. సుధీర్ శ్రీరామ్ దర్శకత్వంలో తెరకెక్కిన ఈ మూవీకి రంజన్ రాజ్ సంగీతం అందించారు. నటుడు శివాజీ స్వయంగా ఈ చిత్రాన్ని నిర్మించడం విశేషం. థియేటర్లలో మిక్సిడ్ టాక్ పొందిన ఈ క్రైమ్ కామెడీకి ఓటీటీ ఆడియన్స్ ఎలాంటి తీర్పు ఇస్తారో చూడాలి. ఇది కేవలం తెలుగులోనే ఉంటుందా లేదా ఇతర భాషల్లోనూ అందుబాటులోకి వస్తుందా అనే దానిపై క్లారిటీ రావాల్సి ఉంది.
కథ:
చిత్తూరు జిల్లా మదనపల్లి సమీపంలోని ఒక పంచాయతీ సెక్రటరీగా పనిచేసే శ్రీరామ్ (శివాజీ) అంటే అందరికీ గౌరవం. నీతి, నిజాయితీలే తన ఊపిరిగా భావించే శ్రీరామ్, భార్య ఉత్తర (లయ), కొడుకు రోహన్తో కలిసి ఒక ప్రశాంతమైన జీవితాన్ని గడుపుతుంటాడు. సంతోషంగా సాగిపోతున్న వారి జీవితంలో ఊహించని ఒక సంఘటన ఎలా వారి జీవితాన్ని తలకిందులు చేస్తుంది. ఆ సంఘటన ఏంటి, వారు ఆ ఊహించని సంఘటన నుంచి ఎలా బయటపడుతారు అనేది కథ.
READ ALSO: UP Police: పోలీసుల చేతులు కట్టేసిన హైకోర్టు.. ఇకపై ఆ 31 నేరాలకు నో FIR!