Sharwa 37 : బాలయ్యను ఫాలో అవుతున్న శర్వానంద్..

టాలీవుడ్ యంగ్ హీరో శర్వానంద్ వరుస సినిమాలు చేస్తున్నాడు..శర్వానంద్ పుట్టినరోజు సందర్భంగా మూడు సినిమాల అప్డేట్స్ ఇచ్చి అందరి నీ ఆశ్చర్యపరచిన విషయం తెలిసిందే. ప్రస్తుతం మనమే సినిమాతో బిజీగా ఉన్నాడు.. ఆ సినిమా తర్వాత 36, 37 సినిమాలను అనౌన్స్ చేశాడు.. ఆ సినిమాలన్ని కూడా డిఫరెంట్ కథలతో రాబోతున్నాయి.. తాజాగా శర్వానంద్ 37వ సినిమాకు సంబంధించిన టైటిల్ గురించి ఓ ఆసక్తికరమైన వార్త సోషల్ మీడియాలో చక్కర్లు కొడుతోంది..

బాలయ్య హిట్ మూవీ టైటిల్ ను ఈ సినిమాకు పెట్టనున్నట్లు వార్త ఇండస్ట్రీలో వినిపిస్తుంది.. అబ్బరాజు దర్శకత్వంలో శర్వానంద్ 37వ సినిమా పట్టాలెక్కబోతోంది. ఈ మూవీని ఏకే ఎంటర్టైన్మెంట్ బ్యానర్ పై నిర్మించబోతున్నారు. ఇందులో ఇద్దరు హీరోయిన్లు ఉంటారని, అలాగే ఈ సినిమాలో హీరో తండ్రీ, కొడుకు పాత్రలో నటించబోతున్నాడు.. బాలయ్య బ్లాక్ బస్టర్ ఓల్డ్ మూవీకి సంబంధించిన టైటిల్ ను ఈ మూవీకి ఫిక్స్ చేయనున్నారని వార్తలు వినిపిస్తున్నాయి

అయితే బాలయ్య గతంలో నటించిన నారీ నారీ నడుమ మురారీ సినిమా టైటిల్ ను ఈ సినిమాకు పెట్టబోతున్నారని సమాచారం.. ఇక త్వరలోనే ఈ మూవీ సెట్స్ పైకి వెళ్ళబోతోంది. ఇక ఈ మూవీలో శర్వానంద్ సరసన సంయుక్త మీనన్, సాక్షి వైద్య హీరోయిన్లుగా నటిస్తున్నారు.. ఈ సినిమా గురించి మరిన్ని వివరాలను కొద్ది రోజుల్లో వెల్లడించానున్నారు.. ప్రస్తుతం శర్వా సినిమాల లైనప్ మాములుగా లేదని తెలుస్తుంది..