Rakasa : ‘రాకాస’ ఓటీటీ రిలీజ్ డేట్ ఫిక్స్..

యంగ్ హీరో సంగీత్ శోభన్, నయన్ సారిక జంటగా నటించిన క్రేజీ ఫాంటసీ హారర్ కామెడీ ఎంటర్‌టైనర్ ‘రాకాస’. ఏప్రిల్ 3న థియేటర్లలో విడుదలై ప్రేక్షకులను కడుపుబ్బ నవ్వించిన ఈ చిత్రం, మెగా డాటర్ నిహారిక కొణిదెల తన పింక్ ఎలిఫెంట్ పిక్చర్స్ బ్యానర్‌పై ఎంతో ప్యాషన్‌తో నిర్మించారు. మానస శర్మ ఈ చిత్రానికి దర్శకత్వం వహించిన ఈ హారర్ ఎలిమెంట్స్‌కు స్వచ్ఛమైన కామెడీని జోడించి ఆమె మలిచిన విధానం విమర్శకుల ప్రశంసలు పొందింది. ఇక ఇప్పుడు డిజిటల్ ప్రీమియర్ కు సిద్ధమైంది. ప్రముఖ ఓటీటీ సంస్థ నెట్‌ఫ్లిక్స్ (Netflix) ఈ సినిమా డిజిటల్ హక్కులను భారీ ధరకు సొంతం చేసుకుంది.

తాజా సమాచారం ప్రకారం, ‘రాకాస’ చిత్రం మే 1, 2026 నుండి నెట్‌ఫ్లిక్స్‌లో స్ట్రీమింగ్ కానుంది. కేవలం తెలుగులోనే కాకుండా తమిళం, కన్నడ, మలయాళం, హిందీ భాషల్లో కూడా ఈ సినిమా అందుబాటులోకి రాబోతోంది. వేసవి సెలవుల్లో ఇంటి దగ్గరే కూర్చుని ఫ్యామిలీతో కలిసి హాయిగా నవ్వుకోవడానికి ఇదొక బెస్ట్ ఆప్షన్ అని చెప్పొచ్చు. ముఖ్యంగా వెన్నెల కిషోర్, బ్రహ్మాజీ, గెటప్ శ్రీనుల కామెడీ ఈ సినిమాకు అసలైన బలం. వీరి ముగ్గురి టైమింగ్ థియేటర్లలో నవ్వుల పువ్వులు పూయించింది. తన నేచురల్ యాక్టింగ్‌తో సంగీత్ మరోసారి యూత్‌ను ఆకట్టుకున్నారు. థియేటర్లలో మిస్ అయిన వారు లేదా మరోసారి ఈ ఫన్ రైడ్‌ను ఎంజాయ్ చేయాలనుకునే వారు మే 1 కోసం ఎదురుచూస్తున్నారు. హారర్ సినిమాలను ఇష్టపడే వారితో పాటు కామెడీ ప్రియులకు కూడా ‘రాకాస’ ఒక మంచి ఎంటర్‌టైనర్ కానుంది.