ROBINHOOD : ‘రాబిన్ హుడ్ ‘ లో లేడీ బాస్ ఎవరో తెలిసిపోయింది.. గ్లింప్స్ అదిరిపోయింది..

యంగ్ హీరో నితిన్ సరికొత్త కథతో రాబోతున్న సినిమా రాబిన్ హుడ్.. గత రెండేళ్లుగా నితిన్ ఖాతాలో హిట్ సినిమా పడలేదు.. దాంతో కాస్త జాగ్రత్తగా కథను ఎంపిక చేసుకొని దిగుతున్నాడు.. భీష్మా డైరెక్టర్ వెంకీ కుడుముల దర్శకత్వంలో ఈ సినిమా రాబోతుంది.. ఈ సినిమా నుంచి తాజాగా క్రేజీ అప్డేట్ వచ్చేసింది.. హీరోయిన్ ఎవరో మేకర్స్ రివిల్ చేశారు..

ఈ చిత్రాన్ని మైత్రి మూవీ మేకర్ సంస్థ నిర్మిస్తుండగా…. జీవి ప్రకాష్ సంగీతం అందిస్తున్నారు.. గతంలో వీరిద్దరి కాంబినేషన్ లో వచ్చిన సినిమా సూపర్ హిట్ టాక్ ను సొంతం చేసుకుంది. ఇప్పుడు వస్తున్న రాబిన్ హుడ్ సినిమా కూడా హిట్ అవుతుందని నితిన్ ఫ్యాన్స్ నమ్ముతున్నారు..

ఇదిలా ఉండగా.. ఈ సినిమా హీరోయిన్ ను అనౌన్స్ చెయ్యకుండా సస్పెన్స్ గా ఉంచారు.. తాజాగా పోస్టర్ తో హీరోయిన్ ఎవరనే దాని పై క్లారిటీ ఇచ్చారు.. మొదట ఈ సినిమాకు హీరోయిన్ గా రష్మికను అనుకున్నారట.. రష్మిక డేట్స్ కుదరకపోవడంతో ఆ ప్రాజెక్టు నుంచి రష్మిక తప్పకుందట. ఆ తర్వాత ఈ సినిమాలో హీరోయిన్గా శ్రీలీల పేరు వినిపించింది. దానికి తగినట్టుగానే ఈ సినిమాలో హీరోయిన్ గా శ్రీలీలను అనౌన్స్ చేస్తూ గ్లింప్స్ కూడా రిలీజ్ చేశారు.. ప్రస్తుతం ఆ వీడియో సోషల్ మీడియాలో తెగ వైరల్ అవుతుంది.. డిసెంబర్ 20 సినిమాను రిలీజ్ చెయ్యనున్నారు..