200MP కెమెరా, 7000mAh బ్యాటరీ.. Realme GT 8 Pro ధర, ఫీచర్స్ ఇలా!

Realme GT 8 Pro, Realme GT 8 Launch and Price: చైనాకు చెందిన ప్రముఖ మొబైల్ తయారీ సంస్థ ‘రియల్‌మీ’ తన జీటీ సిరీస్‌లో రెండు ఫ్లాగ్‌షిప్ స్మార్ట్‌ఫోన్‌లను లాంచ్ చేసింది. ఈరోజు రియల్‌మీ జీటీ 8 ప్రో, రియల్‌మీ జీటీ 8 ఫోన్‌లు చైనాలో లాంచ్ అయ్యాయి. ఈ ఫ్లాగ్‌షిప్ ఫోన్‌లు క్వాల్కమ్ స్నాప్‌డ్రాగన్ 8 ఎలైట్ జెన్ 5 ప్రాసెసర్, R1X గ్రాఫిక్స్ చిప్‌తో వచ్చాయి. బెస్ట్ కెమెరా, బిగ్ బ్యాటరీతో ఈ ఫ్లాగ్‌షిప్ స్మార్ట్‌ఫోన్‌లు రిలీజ్ అయ్యాయి. జీటీ 8, జీటీ 8 ప్రోల ధర, ఫీచర్స్ ఎలా ఉన్నాయో తెలుసుకుందాం.

రియల్‌మీ జీటీ 8 ప్రో, రియల్‌మీ జీటీ 8 ఫోన్‌లు 144Hz రిఫ్రెష్ రేట్‌కు మద్దతుతో 2K రిజల్యూషన్ డిస్‌ప్లేను కలిగి ఉన్నాయి. IP69+IP68+IP66 రేటింగ్‌లతో వచ్చాయి. రెండు ఫోన్‌లలో అల్ట్రాసోనిక్ ఫింగర్‌ప్రింట్ సెన్సార్ ఉంది. ప్రో డ్యూయల్-సిమ్ సపోర్ట్‌తో లాంచ్ అయింది. ఈ ఫోన్ 6.79-అంగుళాల QHD+ AMOLED డిస్‌ప్లేను కలిగి ఉంది. దీని గరిష్ట ప్రకాశం 7000 నిట్‌లు. స్క్రీన్ 144 Hz రిఫ్రెష్ రేట్‌కు మద్దతు ఇస్తుంది. రెండు స్మార్ట్‌ఫోన్‌లు స్నాప్‌డ్రాగన్ 8 ఎలైట్ జెన్ 5 ప్రాసెసర్ ద్వారా రన్ అవుతాయి.

రియల్‌మీ జీటీ 8 ప్రో 16GB RAM, 1TB వరకు స్టోరేజ్ ఎంపికలో అందుబాటులో ఉంది. అయితే రెండు ఫోన్‌ల మధ్య స్టోరేజ్ భిన్నంగా ఉంటాయి. రెండింటిలో 7000mAh బ్యాటరీ ఉంటుంది. 8 ప్రో మోడల్ 120W, 8 మోడల్ 100W వైర్డ్ ఛార్జింగ్‌కు మద్దతు ఇస్తుంది. ప్రో మోడల్‌లో 50MP ప్రైమరీ కెమెరా, 50MP అల్ట్రా-వైడ్-యాంగిల్ లెన్స్, 200MP టెలిఫోటో లెన్స్ ఉన్నాయి. ముందు భాగంలో 32MP సెల్ఫీ కెమెరా ఉంది. 8లో 50MP ప్రైమరీ కెమెరా, 8MP అల్ట్రా-వైడ్-యాంగిల్ లెన్స్, 50MP టెలిఫోటో లెన్స్ ఉన్నాయి. కంపెనీ ముందు భాగంలో 16MP సెల్ఫీ కెమెరాను ఇచ్చింది.

Realme GT8 12GB RAM + 256GB స్టోరేజ్ బేస్ కాన్ఫిగరేషన్‌లో వస్తుంది. దీని ధర 2,899 యువాన్లు (సుమారు రూ.35,850). 16GB RAM + 1TB స్టోరేజ్‌తో వచ్చే టాప్-ఆఫ్-ది-లైన్ వేరియంట్ ధర 4,099 యువాన్లు (సుమారు రూ. 50,690)గా కంపెనీ నిర్ణయించింది. ప్రో వేరియంట్ విషయానికొస్తే.. 12GB RAM + 256GB స్టోరేజ్‌తో బేస్ వేరియంట్‌లో వస్తుంది. దీని ధర 3,999 యువాన్లు (సుమారు రూ. 49,440). ఇక 16GB RAM + 1TB స్టోరేజ్‌తో కూడిన Realme GT8 Pro టాప్-ఆఫ్-ది-లైన్ వేరియంట్ ధర 5,199 యువాన్లు (సుమారు రూ. 64,280)గా ఉంది.