RCB vs SRH Head To Head: షాకింగ్ లెక్కలు.. హెడ్ టు హెడ్ రికార్డులు ఇవే.. తోపు ఎవరో తెలుసా?

RCB vs SRH Head To Head: అభిమానులు ఎంతగానో ఎదురుచూస్తున్న ఐపీఎల్ వచ్చేసింది. నేటి నుంచి క్రికెట్ పోరు షురూ కానుంది. తొలి మ్యాచ్‌లో ఆర్సీబీ-సన్‌రైజర్స్ తలపడనున్నాయి.. రాత్రి 7.30 గంటలకు బెంగళూరు చిన్నస్వామి స్టేడియంలో మ్యాచ్‌ జరగనుంది. ఇక ఇప్పటికే ఈ జట్లు మ్యాచ్‌ కోసం రెడీ అయ్యాయి. గతేడాది కప్పుల గెలిచిన ఉత్సాహంతో ఆర్సీబీ ముందుకు సాగుతోంది. మరోవైపు.. ఈ సారి ఎలాగైన కప్పు కొట్టాలని ఎస్‌ఆర్‌హెచ్‌ ముమ్మర ప్రయత్నాలు చేస్తోంది. ఈ తరుణంలో ఎస్‌ఆర్‌హెచ్ vs ఆర్సీబీ హెడ్ టు హెడ్ ఫైట్‌ల లెక్కలు చూద్దాం.. రాయల్ ఛాలెంజర్స్ బెంగళూరు, సన్‌రైజర్స్ హైదరాబాద్ మధ్య జరిగిన మ్యాచ్‌లన్నీ ఎంతో ఉత్సాహభరితంగా సాగాయి. ఐపీఎల్‌లో ఇప్పటివరకు ఈ రెండు జట్ల మొత్తం 26 సార్లు తలపడ్డాయి. వీటిలో సన్‌రైజర్స్ హైదరాబాద్ 14 మ్యాచ్‌లు గెలవగా, రాయల్ ఛాలెంజర్స్ బెంగళూరు 11 మ్యాచ్‌లు గెలుచుకుంది. ఒక మ్యాచ్ డ్రాగా ముగిసింది. ఈ లెక్కలు చూస్తే ఇప్పటి వరకు విజయ పరంపరలో హైదరాబాద్ జట్టు ముందుంది. నాటి వరకు ఆరెంజ్ ఆర్మీదే పై చేయి.

READ MORE: IPL 2026 Begins Today: ధన్ ధనాధన్.. IPL 2026 నేటి నుంచి షురూ..!

ఇదిలా ఉండగా.. 2024 సీజన్‌లో సన్‌రైజర్స్ హైదరాబాద్, లక్నో సూపర్ జెయింట్స్ (LSG)పై కేవలం 30 బంతుల్లోనే 100 పరుగులు సాధించడం సహా పలు రికార్డులను బద్దలు కొట్టింది. గత సీజన్‌లో ఎస్‌ఆర్‌హెచ్, ఆర్‌సీబీ తలపడినప్పుడు, ఎస్‌ఆర్‌హెచ్ 231 పరుగులు చేసింది. ఇషాన్ కిషన్ 48 బంతుల్లో 94 నాటౌట్ పరుగులతో విధ్వంసకరమైన ఇన్నింగ్స్ ఆడాడు. ఆ మ్యాచ్‌లో ఆర్‌సీబీ 42 పరుగుల తేడాతో ఓడిపోయింది. కానీ ఆ తర్వాత సీజన్‌లో ఆర్సీబీ జట్టు అద్భుతంగా పుంజుకుని తొలిసారిగా ఐపీఎల్ ట్రోఫీని గెలుచుకుంది. అయితే.. ఈ ఏడాది మాత్రం రాయల్ ఛాలెంజర్స్ బెంగళూరు మరింత బలంగా కనిపిస్తోంది. విరాట్ కోహ్లీతో పాటు, ఈ జట్టులో ఫిల్ సాల్ట్, టిమ్ డేవిడ్, రొమారియో షెపర్డ్, వెంకటేష్ అయ్యర్, జాకబ్ డఫీ, జోర్డాన్ కాక్స్ వంటి దిగ్గజ ఆటగాళ్లు ఉన్నారు. వీళ్లు ఈజీగా మ్యాచ్‌ను గెలిపించగలరు. కెప్టెన్ రజత్ పాటిదార్ నాయకత్వంలోని ఈ జట్టు వరుసగా రెండో టైటిల్ గెలవాలని లక్ష్యంగా పెట్టుకుంది. అయితే, ఇంకా పూర్తి ఫిట్‌నెస్ సాధించని ఫాస్ట్ బౌలర్ జోష్ హేజిల్‌వుడ్ లేని లోటు జట్టుకు ఎదురుకానుంది.

READ MORE: RCB vs SRH: బౌలర్లు vs బ్యాటర్లు.. ఇరు జట్లలో స్టార్ పేసర్లు దూరం.. ఓపెనింగ్‌లోనే హై వోల్టేజ్ ఫైట్!