Rashmika : లెస్బియన్ పాత్రలో రష్మిక మందన్న..?

టాలీవుడ్ నుంచి బాలీవుడ్ వరకు తన నటనతో మెప్పిస్తున్న ‘నేషనల్ క్రష్’ రష్మిక మందన్న ఇప్పుడు ఒక సంచలన వార్తతో నెట్టింట వైరల్ అవుతోంది. షాహిద్ కపూర్ హీరోగా తెరకెక్కుతున్న బాలీవుడ్ మూవీ ‘కాక్ టెయిల్ 2’ (Cocktail 2) లో రష్మిక ఒక విభిన్నమైన పాత్రలో కనిపించబోతోందని సమాచారం. 2012లో వచ్చిన సూపర్ హిట్ ‘కాక్ టెయిల్’కు సీక్వెల్‌గా వస్తున్న ఈ చిత్రంలో రష్మిక రోల్ గురించి వస్తున్న లీక్స్ సినీ వర్గాలను ఆశ్చర్యానికి గురిచేస్తున్నాయి.

Also Read : Himaja : నా క్యారెక్టర్‌పై కామెంట్స్ ఆపండి.. మా పేరెంట్స్ వింటే తట్టుకోలేరు – హిమజ

హోమీ అదజానియా దర్శకత్వంలో రూపొందుతున్న ఈ సినిమాలో రష్మికతో పాటు కృతి సనన్ కూడా మరో హీరోయిన్‌గా నటిస్తోంది. అయితే బాలీవుడ్ మీడియా కథనాల ప్రకారం, ఈ సినిమాలో రష్మిక, కృతి సనన్ ఇద్దరూ స్వలింగ ప్రేమికులుగా (లెస్బియన్లు) కనిపించనున్నారట. కథ ఒక ట్రయాంగిల్ లవ్ స్టోరీగా ఉంటుందని, షాహిద్ కపూర్‌తో వీరి బంధం ఎలా ఉంటుందనేది వైవిధ్యంగా చూపించబోతున్నారని టాక్. ఈ సినిమా షూటింగ్ జనవరి 31వ తేదీనే పూర్తయింది. దర్శకుడు హోమీ మాట్లాడుతూ.. తన కెరీర్‌లోనే ఇది చాలా స్పెషల్ మూవీ అని, త్వరలోనే రిలీజ్ డేట్ ప్రకటిస్తామని తెలిపారు. సాధారణంగా సౌత్ ఇండియన్ స్టార్ హీరోయిన్లు ఇలాంటి బోల్డ్ పాత్రలు చేయడానికి ఇష్టపడరు. ఒకవేళ ఈ వార్త నిజమైతే, రష్మిక కెరీర్‌లో ఇది అత్యంత సాహసోపేతమైన ప్రయోగం అనే చేప్పాలి.