Rakasa : ‘రాకాస’ అన్ని వర్గాల ప్రేక్షకులు, ఫ్యామిలీ అంతా కలిసి చూసేలా ఉంటుంది : నిహారిక కొణిదెల

నిహారిక కొణిదెల నిర్మాతగా తన అభిరుచిని చాటుకుంటున్నారు. ‘కమిటీ కుర్రోళ్లు’తో రాష్ట్ర, జాతీయ స్థాయిలో నిహారిక ఎన్నో అవార్డుల్ని, రివార్డుల్ని అందుకున్నారు. ప్రస్తుతం నిహారిక జీ స్టూడియోస్ స‌మ‌ర్ప‌ణలో త‌న పింక్ ఎలిఫెంట్ పిక్చ‌ర్స్ బ్యాన‌ర్‌పై ఉమేష్ కుమార్ బ‌న్సాల్‌తో క‌లిసి ‘రాకాస’ మూవీని నిర్మించారు. మానస శర్మ తెరకెక్కించిన ఈ చిత్రంలో సంగీత్ శోభ‌న్‌, న‌య‌న్ సారిక‌ జంటగా నటించారు. ఈ సినిమాను ఏప్రిల్ 3న రిలీజ్ చేయబోతోన్నారు. ఈ క్రమంలో మ్యూజికల్ ప్రమోషన్స్‌ని చిత్రయూనిట్ ప్రారంభించింది. ఈ సందర్భంగా శుక్రవారం నాడు ‘పదే పదే’ అంటూ సాగే మెలోడీ సాంగ్‌ను సెయింట్ పీటర్ ఇంజనీరింగ్ కాలేజ్‌లో రిలీజ్ చేశారు. ఈ మేరకు నిర్వహించిన సాంగ్ లాంచ్ ఈవెంట్‌లో..

నిహారిక కొణిదెల మాట్లాడుతూ .. ‘మా ‘పదే పదే’ సాంగ్‌ని కాకుండా సినిమా ప్రీ రిలీజ్ ఈవెంట్‌ని ఈ కాలేజ్‌లో పెడితే బాగుండనిపిస్తోంది. మనం ప్రేమ గురించి ఎప్పుడూ ప్రాధేయపడకూడదు. మనమే ప్రేమలా మారిపోవాలి. అదే మా ఈ ‘పదే పదే’ పాట. ఈ సినిమాని అన్ని వర్గాల ప్రేక్షకులు, ఫ్యామిలీ అంతా కలిసి చూసేలా ఉంటుంది. ఏప్రిల్ 3న మా మూవీ అందరినీ ఆకట్టుకుంటుంది. ఏప్రిల్ 3న మా చిత్రం రాబోతోంది. అందరూ చూసి సపోర్ట్ చేయండి’ అని అన్నారు.

సంగీత్ శోభన్ మాట్లాడుతూ .. ‘‘మ్యాడ్’ తరువాత ఎలాంటి కథ చేయాలా? అని అనుకుంటున్న టైంలో మానస శర్మ గారు ఈ కథ చెప్పారు. ఆడియెన్స్‌కి మంచి కథలు, మంచి సినిమాలు ఇవ్వాలని మానస గారు ముందే చెప్పారు. అవుట్ అండ్ అవుట్ కమర్షియల్ కామెడీ ఎంటర్టైనర్‌గా ఉంటుంది. ‘రపప్పా.. రపప్పా’ బ్లాక్ బస్టర్ తరువాత ‘పదే పదే’ పాట వచ్చింది. ఈ పాట కూడా అందరినీ ఆకట్టుకుంటుంది. మా అందరికీ ఈ పాట చాలా ఫేవరేట్. హీరోయిన్, గర్ల్స్ పాయింట్ ఆఫ్ వ్యూలో ఈ పాట అద్భుతంగా ఉంటుంది. ఏప్రిల్ 3న మా చిత్రం రాబోతోంది. అందరూ చూసి సక్సెస్ చేయండి. సినిమా రిలీజ్ తరువాత మళ్లీ ఈ కాలేజ్‌కి వచ్చి అందరినీ కలుస్తాను’ అని అన్నారు.

న‌య‌న్ సారిక‌ మాట్లాడుతూ .. ‘‘పదే పదే’ పాటను నేను లూప్‌లో వింటూనే ఉన్నాను. గర్ల్స్ ఎక్కువగా ఏదీ కూడా బయటకు ఎక్స్‌ప్రెస్ చేయరు. అలాంటి వారికి ఈ పాట చాలా నచ్చుతుంది. ఏప్రిల్ 3న మా ‘రాకాస’ చిత్రం రాబోతోంది. అందరూ చూసి సపోర్ట్ చేయండి’ అని అన్నారు.

మ్యూజిక్ డైరెక్టర్ అనుదీప్ దేవ్ మాట్లాడుతూ .. ‘మా ‘రాకాస’లోని ‘రపప్పా.. రపప్పా’ బాయ్స్‌కి డెడికేట్ చేస్తున్నాను. మా ‘పదే పదే’ పాటను అమ్మాయిలకు డెడికేట్ చేస్తున్నాను. అమ్మాయిలు ప్రేమను వ్యక్త పర్చాలని అనుకుంటే ఈ పాటను వాడుకోవచ్చు. ఏప్రిల్ 3న మా సినిమా రాబోతోంది. అందరూ చూసి ఎంజాయ్ చేయండి’ అని అన్నారు.