Kalki 2898 AD Guest List: ‘కల్కి 2898 ఏడీ’లో గెస్ట్ రోల్స్ లిస్ట్ పెద్దదే.. అస్సలు ఊహించని పేర్లు!

Guest appearance List in Prabhas’s Kalki 2898 AD: పాన్ ఇండియా సినిమా ‘కల్కి 2898 ఏడీ’లో భారీ తారాగణం ఉన్న విషయం తెలిసిందే. హీరో ప్రభాస్, హీరోయిన్ దీపికా పదుకొణెతో పాటు బిగ్‌బీ అమితాబ్‌ బచ్చన్‌, లోకనాయకుడు కమల్‌హాసన్‌ కీలక పాత్రలు చేశారు. ఇందులో బాలీవుడ్ భామ దిశా పటాని, సౌత్ సీనియర్ నటి శోభన, మలయాళ నటి అన్నా బెన్ ఉన్నట్లు సినిమా రిలీజ్ ముందే పోస్టర్స్ ద్వారా చెప్పేశారు. నేడు కల్కి రిలీజ్ కాగా.. ఎందరో స్టార్స్ సినిమాలో కనిపించారు.

Also Read: Sri Prabhas: ప్రభాస్ కాదు.. ఇక నుంచి ‘శ్రీ’ ప్రభాస్!

కల్కి 2898 ఏడీ చిత్రంలో చాలా మంది నటులు గెస్ట్ రోల్స్ పోషించారు. దుల్కర్‌ సల్మాన్‌, మృణాళ్‌ ఠాకూర్‌, మాళవిక నాయర్, విజయ్ దేవరకొండ, ఆర్జీవీ, ఫరియా అబ్దుల్లాలు కల్కిలో ఉన్నారు. ఇక ఎవరూ ఊహించని విధంగా దర్శకధీరుడు ఎస్ఎస్ రాజమౌళి కూడా కల్కిలో గెస్ట్ రోల్ చేసారు. జక్కన్న స్రీన్ మీద కనిపించగానే అందరూ షాక్ అయ్యారు. కల్కి 2898 ఏడీలో తెలుగు హీరోలు రానా దగ్గుబాటి, నాని కూడా ఉన్నట్లు తెలుస్తోంది. ఈ విషయంపై మరికొద్ది నిమిషాల్లో క్లారిటీ రానుంది. ఒక్కో స్టార్ రివీల్ అవుతున్న సమయంలో థియేటర్లో ఈలలు, కేకలు వేస్తూ ఫాన్స్ సందడి చేస్తున్నారు.