పవర్ స్టార్ పవన్ కళ్యాణ్ నటిస్తున్న పీరియాడిక్ మూవీ ”హరిహర వీరమల్లు”.జాగర్లమూడి క్రిష్ ఈ సినిమాని తెరకెక్కిస్తున్న విషయం తెలిసిందే.ఈ సినిమాను ప్రారభించి మూడేళ్లు గడుస్తున్న ఈ సినిమా షూటింగ్ మాత్రం పూర్తి కాలేదు. కొంత భాగం షూటింగ్ పూర్తి చేసుకున్న ఈ సినిమా పవన్ కళ్యాణ్ రాజకీయాలలో బిజీ గా ఉండటం వల్ల షూటింగ్ కు బ్రేక్ పడింది.ఈ సినిమాను ప్రారంభించిన మొదట్లో సినిమాపై భారీగా అంచనాలు వున్నాయి. కానీ ఇప్పుడు ఈ సినిమాను ఎవరూ పట్టించుకోవడం లేదు.ఎందుకంటే. ఈ సినిమా మేకర్స్ సినిమా గురించి ఎలాంటి అప్డేట్ ఇవ్వడం లేదు.ఏ ముహూర్తాన ఈ సినిమా స్టార్ట్ అయ్యిందో తెలియదు కానీ ఎప్పటికప్పుడు వాయిదా పడుతూ పవర్ స్టార్ ఫ్యాన్స్ కి నిరాశ కలిగిస్తూ వస్తుంది. ఇప్పటికే దాదాపు 70 శాతం షూటింగ్ పూర్తి చేసిన దర్శకుడు క్రిష్ ఆ మిగిలిన భాగం కూడా పూర్తి చేసి విడుదల చేయాలని కోరుకుంటున్నారు. పవన్ కళ్యాణ్ ఇటీవల ప్రకటించిన సినిమాలకు డేట్స్ కేటాయించి ఆ సినిమాలను స్పీడ్ గా పూర్తి చేస్తున్నారు.
హరిహర వీరమల్లు సినిమా కోసం ఎక్కువగా డేట్స్ ఇవ్వాల్సి ఉండడంతో పవన్ ప్రకటించిన సినిమాలు అన్నింటిని చకచక పూర్తి చేస్తున్నారు. తాజాగా ఈ సినిమా గురించి ఒక న్యూస్ సోషల్ మీడియాలో ఒక వార్త బాగా వైరల్ అవుతుంది.. ఈ సినిమా కోసం పవన్ కళ్యాణ్ డేట్స్ అడ్జెస్ట్ చేసినట్లు సమాచారం.సెప్టెంబర్ మొదటి వారం నుండి పవన్ వీరమల్లు కోసం డేట్స్ కేటాయించినట్టు తెలుస్తుంది.. ఈ సినిమా కోసం 10 రోజుల డేట్స్ ఇచ్చారని సమాచారం.ఇదిలా ఉండగా మొఘల్ కాలం నాటి ఫిక్షన్ కథతో ఈ సినిమా తెరకెక్కుతుంది.ఈ సినిమాలో పవన్ కళ్యాణ్ సరసన నిధి అగర్వాల్ హీరోయిన్ గా నటిస్తుండగా.. ఈ సినిమాకు ఆస్కార్ విన్నర్ ఎం ఎం కీరవాణి సంగీతం అందిస్తున్నాడు..నోరా ఫతేహి ఈ సినిమా లో మరో హీరోయిన్ గా నటిస్తుంది.